Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Çështja e vëllezërve Menendez/ Letra e Eric e shkruar 8 muaj para vrasjes mund të ndryshojë dënimin e përjetshëm, përshkruhen traumat e abuzimeve nga babai i tyre
n.fPërditësimi i fundit 16 Tetor 2024, 17:48
Letra
SHBA- Provat e reja për çështjen e shumëpërfolur të vëllezërve Menendez mund të çojnë në rishqyrtimin e dënimit të tyre. Rasti që kishte tronditur SHBA- në në fillim të viteve '90, së fundmi ka fituar famë botërore falë serialit të Netflix. Madje, pak ditë më parë u bë e ditur se çështja është duke u rishqyrtuar për shkak të provave të reja të cilat pala e vëllezërve deklaroi se po ua dërgon organeve të drejtësisë.
Orët e fundit është bërë e ditur se elementi kyç është një letër që Eric Menendez dyshohet se i ka shkruar një kushëriri, ku tregon abuzimin kronik që ka përjetuar nga babai i tij. Letra, e shkruar tetë muaj para se të vriteshin prindërit e tyre, thotë se familja e vëllezërve po vë në dyshim dënimet e përjetshme që u janë dhënë vëllezërve.
Letra e diskutueshme që Erik Menendez dyshohet se i ka shkruar dhe dërguar kushëririt të tij Andy Cano 8 muaj para vrasjes së Jose dhe Kitty Menendez. Në letër, Eric Menendez përshkruan traumën psikologjike dhe fizike që përjetoi si rezultat i abuzimit të babait të tij. “Përpiqem të shmang babin. Tani është më keq për mua”, ka shkruar ajo. “Nuk e di se kur do të ndodhë përsëri dhe po më çmend”, citohet të ketë thënë Eric Menendez.
Vëllezërit Menendez, Lyle dhe Eric, u dënuan në vitin 1996 për vrasjen e prindërve të tyre, Jose dhe Kitty Menendez, në vitin 1989. Edhe pse ata kurrë nuk e mohuan vrasjen e prindërve të tyre, ata pretenduan se e bënë atë në vetëmbrojtje, për shkak të abuzimit kronik seksual dhe fizik nga babai i tyre. Megjithatë, prokurorët argumentuan se abuzimi nuk ndodhi kurrë dhe gjatë gjykimit të tyre të dytë, shumë nga provat që lidhen me abuzimin u përjashtuan.
Vëllezërit Lyle dhe Eric Menendez ishin autorët e një prej vrasjeve më brutale në SHBA, duke ekzekutuar me gjakftohtësi të dy prindërit e tyre. Historia e dyfishtë vrasjesh nxit serialin e ri me nëntë episode të Netflix "Monsters: The Lyle and Erik Menendez Story". Avokati mbrojtës Cliff Gardner pretendon se nëse ajo letër do të ishte paraqitur në gjyqin e vitit 1996, rezultati mund të kishte qenë i ndryshëm.
Vëllezërit Menendez kanë kryer më shumë se 30 vjet burg dhe mbështetësit e tyre besojnë se koha është e mjaftueshme. Familja Menendez ka shprehur shpresën se Prokuroria e Rrethit po shqyrton mundësinë e një ndryshimi dënimi, gjë që mund të çojë në lirimin e menjëhershëm të tyre. Nëse çështja shkon sërish në gjyq dhe vëllezërit shpallen fajtorë për vrasje nga pakujdesia në vend të vrasjes, ata mund të lirohen menjëherë, pasi kanë kryer dënimin maksimal për atë akuzë.
