FOTO/ Gjatë gërmimeve zbulohet një pallat mesjetar në Romë, besohet se është bazilikë e krijuar nga Perandori Konstandin në shekullin e 4-të

Pallati mesjetar

ITALI- Rrënojat e një pallati mesjetar ku papët jetonin përpara se ta bënin Vatikanin shtëpinë e tyre, janë gjetur gjatë gërmimeve në Romë përpara rinovimeve të planifikuara për Vitin e Shenjtë Katolik 2025. Lajmin e konfirmoi të mërkurën ministria e kulturës e Italisë.

Arkeologët në sheshin jashtë Arkbazilikës së Shën Gjon Lateranit, në qendër të qytetit, nxorrën në dritë një strukturë komplekse arkitekturore, duke përfshirë mure që besohet se kanë mbrojtur Patriarkanën, një bazilikë monumentale e krijuar nga Perandori Konstandin në shekullin e 4-të.

"Ky është një zbulim jashtëzakonisht i rëndësishëm për qytetin e Romës dhe historinë e tij mesjetare, pasi gërmime të gjera arkeologjike nuk janë kryer kurrë në shesh në kohët moderne," tha ministria.

Struktura origjinale e ndërtesës, e cila pason shpalljen e Konstandinit për tolerimin e Krishterimit në Perandorinë Romake në 313, u zgjerua gradualisht, me zhvillimin e mureve, midis shekujve 9 dhe 13 pas Krishtit, dhe strehoi papatin deri në vitin 1305, kur ai u zhvendos përkohësisht në Avignon në Francë, shtoi ministria.

Gërmime të tjera pranë Vatikanit për zgjerimin e një tuneli rrugor përpara Jubileut kanë zbuluar javët e fundit gjurmë të një "fullonica" të lashtë romake, ose lavanderie, dhe një kopsht me portik që besohet se është përdorur nga perandori Caligula.

itali pallat mesjetar vatikan

Galeria fotografike (

)