FOTO/ Kundër rezolutës së Srebrenicës, vendoset në qendër të Beogradit posteri gjigand: I vetmi gjenocid në Ballkan është kryer kundër serbëve

Posteri

SERBI- Në një ndërtesë në rrugën Knez Mihailova në qendër të Beogradit, është shfaqur një poster i madh duke mohuar gjenocidin e Srebrenicës. Në këtë poster shkruhet në anglisht se i vetmi gjenocid në Ballkan ishte kundër serbëve. Nën mbishkrimet, firma është lënë nga organizata e djathtë Patrulla e Popullit. Më 30 maj, organizata postoi një video të mbishkrimeve në kanalin e saj Telegram.

“I vetmi gjenocid në Ballkan është kryer kundër popullit tonë, popullit serb. Dhe ky është slogani i duhur dhe fushata e duhur për sot. Ne nuk jemi një komb gjenocidal dhe këtë e dimë të gjithë”, thuhet në video.

“Turqit me shekuj na kanë marrë skllevër, sot në Turqi jetojnë mbi gjashtë milionë serbë. Më vonë austrohungarezët i konvertuan ata serbë që po iknin nga turqit në katolicizëm. Gjithashtu në Ballkanin tonë turqit u turqizuan. dhe kështu disa popuj të rinj si boshnjakët, mbi 70 për qind e kroatëve janë katolikizuar nga austro-hungarezët”, shtoi videoja e diskutueshme.

Në fund të muajit të kaluar Asambleja e Përgjithshme e OKB-së miratoi një rezolutë me të cilën shpallet 11 korriku si Dita Ndërkombëtare e Përkujtimit të Gjenocidit në Srebrenicë dhe dënohet mohimi i gjenocidit dhe glorifikimi i kriminelëve të luftës. Për rezolutën votuan 84 nga 193 shtete anëtare të OKB-së, 19 ishin kundër dhe 68 abstenuan.

serbi gjenocid poster