FOTO/ Rrëshkiti nga skela dhe ra mbi një shufër hekuri, 57-vjeçari shpëton mrekullisht në Brazil, mori dëmtime në shumë organe

Foto ilustruese

BRAZIL- Një punëtor ndërtimi brazilian është shpëtuar mrekullisht nga mjekët pasi ra nga lartësia gjatë punës. Mësohet se punëtori rrëshqiti në një skelë pesë metra e lartë. Ai ra mbi një shufër metalike, 90 centimetra e gjatë, e cila e ka shpuar nga të pasmet deri te gjoksi, gjithashtu i ka dëmtuar stomakun, mëlçinë dhe gjoksin.

57-vjeçari u dërgua me urgjencë në një spital në qytetin e Curitiba, ku mjekët kryen një radiografi dhe kuptuan se shufra arrinte deri në diafragmë, raporton dailystar. Kirurgët përshkruan se si e shpëtuan dhe operacioni filloi me një sternotomi (prerje të sternumit). Më pas i kanë hequr indet e dëmtuara dhe kanë riparuar lëndimet e brendshme, pas së cilës i është bërë transfuzion gjaku.

Pas disa ditësh, pacienti mundi të ngrihej dhe të hante dhe doli nga spitali për trajtim në shtëpi disa javë më vonë.  Ekspertët mjekësorë thonë se aksidente të tilla janë të rralla dhe se zakonisht ndodhin në industrinë e ndërtimit. Një përqindje e madhe e tyre janë fatale, ose më vonë çojnë në komplikime. 

brazil skela aksident