FOTOT/ Brenda planit futurist të Dubait, aty ku vija bregdetare do të kthehet në një parajsë ekologjike

Dubai

DUBAI- Dubai vendos sërish rekord botëror me planet për të ndërtuar plazhin më të madh në botë të kompletuar me kupola bio të teknologjisë së lartë. Superqyteti i Lindjes së Mesme është tashmë shtëpia e mrekullive të shumta arkitekturore nga ndërtesa më e lartë deri te qendra tregtare më e madhe.

Dubai mban mbi 425 rekorde botërore Guinness, më shumë se çdo qytet tjetër në Lindjen e Mesme. Por ky projekt i fundit mund të bëhet çudia e radhës pasi një vijë bregdetare prej 45 miljesh do të shndërrohet në një parajsë të vërtetë.

Zhvilluesi i projektit, URB, ka zbuluar planet për të mbjellë 100 milionë pemë rizoforë në brigjet e Gjirit Persik. Propozimi ambicioz përmban kube qelqi futuriste të cilat do të strehojnë një qendër vizitorësh e muze botanik.

Turistët gjithashtu mund të bëjnë një shëtitje të qetë përgjatë vijës bregdetare duke shijuar natyrën përreth dhe pamjet befasuese të oqeanit. Përveç përfitimeve rekreative, projekti synon të nxisë turizmin edukativ dhe ekosistemin lokal duke përzier natyrën me kohën e lirë.

CEO i URB, Baharash Bagherian, shpjegoi: Dubai Mangroves është një testament se si inovacioni urban dhe mjedisor mund të funksionojnë në harmoni si një model për qytetet në mbarë botën, duke demonstruar fuqinë transformuese të integrimit të ruajtjes ekologjike me rritjen urbane.

Pylli i mangrovës pritet të kapë 1.23 milion ton dioksid karboni në vit një ekuivalent me emetimet nga 260,000 makina në vit. Iniciativa novatore është ende në fazat e hershme me krijuesit që vlerësojnë gjashtë zona të mundshme për t'u ndërtuar, duke përfshirë Dubai Marina Beach dhe Jumeirah Public Beach.

Shfletoni galerinë për më shumë fotografi.

dubai

Galeria fotografike (

)