Në Francë, çështja aktuale lidhet me një qarkore të nënshkruar nga Sébastien Lecornu. Kryeministri ka urdhëru...
BOTA
Gazetari rus që zbuloi lidhjen sekrete të Putinit, vdes në Letoni. Ja çfarë e helmoi
PiranjatPërditësimi i fundit 22 Qershor 2026, 21:54
Një gazetar rus, i njohur për zbulimin e lidhjes së fshehtë të Vladimir Putinit me kampionen olimpike Alina Kabaeva, është gjetur i vdekur në Letoni, ku jetonte në mërgim.
Grigory Nekhoroshev, 69 vjeç, ish-redaktor gazete, ishte i pari që raportoi për planet e Putinit për t’u divorcuar nga gruaja e tij Lyudmila Putina dhe për t’u martuar me Kabaevën në vitin 2008. Ai ndërroi jetë në Riga, kryeqytetin e Letonisë, pas një helmimi të dyshuar nga kërpudhat që kishte mbledhur në oborrin e shtëpisë ku jetonte.
Sipas dëshmive, Nekhoroshev shpesh mblidhte kërpudha, por ato që konsumoi rezultuan helmuese. Miq të afërt kanë treguar se ai ishte “mjaft nervoz” nga frika e një sulmi të mundshëm, duke qenë se kishte ekspozuar jetën private të Putinit.
Gazetari rus Igors Vatolins, që e pa Nekhoroshevin pak para vdekjes, tha:
“Nekhoroshev ishte i pari që zbuloi emrin e gruas së Putinit, kampiones së gjimnastikës ritmike Alina Kabaeva. Putini me sa duket nuk e fali për këtë.”
Pas publikimit të lajmit, gazeta "Moskovsky Correspondent" u mbyll, ndërsa Nekhoroshev u mor në pyetje nga shërbimet sekrete dhe u kërcënua, gjë që e detyroi të arratisej.
Putini nuk e ka pranuar kurrë publikisht marrëdhënien me Kabaevën, e cila sot është 43 vjeç dhe raportohet se ka dy fëmijë me të.
Ky nuk është rasti i vetëm i helmimit misterioz. Në vitin 2023, profesori rus Vitaly Melnikov, 77 vjeç, kreu i Departamentit të Sistemeve të Raketave dhe Hapësirës në RSC Energia, vdiq pas një helmimi të rëndë nga kërpudha. Mjekët nuk arritën ta shpëtonin, dhe ai ndërroi jetë dy javë pas shfaqjes së simptomave.
