Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
Gjenden mbetje njerëzore në Podujevë, dyshohet të jenë eshtrat e një të zhdukuri gjatë luftës
n.fPërditësimi i fundit 26 Korrik 2024, 17:12
Foto ilustruese
KOSOVË- Ministrja e Drejtësisë në Kosovë, Albulena Haxhiu, ka bërë të ditur të premten se autoritetet e Kosovës kanë arritur t'i lokalizojnë afër varrezave të Tjegullores në Podujevë, mbetjet mortore të një individi, që dyshohet të jetë nga lista e personave të zhdukur me dhunë, gjatë luftës së fundit në Kosovë.
Haxhiu ka thënë se në lokalizimin e mbetjeve mortore janë angazhuar ekipet mjeko-ligjore nga Instituti i Mjekësisë Ligjore, Policia e Kosovës dhe Misioni i BE-së për Sundim të Ligjit, EULEX. Ajo ka thënë se gërmimet janë duke vazhduar, në kërkim të individëve tjerë. Gjatë luftës së fundit në Kosovë më 1998-99 janë vrarë më shumë se 13.000 civilë dhe mijëra të tjerë janë zhdukur.
Mbi 1.600 persona vazhdojnë të jenë ende të pagjetur – pjesa më e madhe e tyre shqiptarë. Një vit më parë, Kosova dhe Serbia janë pajtuar për Deklaratën e përbashkët për personat e zhdukur, në kuadër të dialogut për normalizimin e marrëdhënieve të ndërmjetësuar nga Bashkimi Evropian.
Zotimet që janë bërë me këtë deklaratë, përfshijnë: qasje të plotë në informacione të besueshme, mes tyre edhe ato me status të klasifikuar; vënie në dispozicion të të gjitha dokumenteve me rendësi për përcaktimin e fatit të personave të zhdukur, si dhe punë të përbashkët përmes një komisioni të kryesuar nga Bashkimi Evropian. Një vit pas, asgjë prej këtyre nuk është realizuar në praktikë, të gjitha kanë mbetur vetëm në letër./ REL
