Gjendent një sasi kokaine prej 40 milion paundsh në një fshat britanik, arrestohen katër presona

foto ilustruese

BRITANI- Katër burra janë arrestuar pasi gjysmë ton kokainë me vlerë 40 milionë paund u gjet në një furgon në parkun e makinave të një pijetoreje fshati East Yorkshire të Mbretërisë së Bashkuar. Agjencia Kombëtare e Krimit tha se droga besohet të jetë sjellë në breg me një varkë  pasi u transferua nga një anije më e madhe në brigjet e Hull. Sipas raportimeve mësohet se droga ka një vlerë të mundshme në rrugë prej 40 milion £ dhe do të ishte shitur në të gjithë Mbretërinë e Bashkuar. Gjithashtu të arrestuarit janë një 22-vjeçar nga Argyll, një 32-vjeçar nga Oban dhe një 24-vjeçar nga Campbeltown si dhe një 39-vjeçar. nga Kolumbia.

"Kjo ishte një sasi e konsiderueshme kokaine dhe sekuestrimi i saj do të jetë një goditje e konsiderueshme për grupin e krimit të organizuar që tentoi ta kontrabandonte atë në MB. Nuk ka dyshim se këto droga do të ishin shitur në komunitete në mbarë Mbretërinë e Bashkuar, duke nxitur krimin dhe shfrytëzimin e mëtejshëm. Duke punuar me partnerët tanë të zbatimit të ligjit, ne jemi të vendosur të bëjmë gjithçka që mundemi për të penguar aktivitetin kriminal dhe për të mbrojtur sigurinë kufitare të Mbretërisë së Bashkuar. Hetimi ynë vazhdon pas këtyre arrestimeve," tha Oficeri i lartë hetues Alan French. 

Megjithatë operacioni është mbështetur nga Policia e Humberside, Yorkshire dhe Njësia Rajonale e Krimit të Organizuar Humber dhe Forca Kufitare. Ndërsa në shkurt një dërgesë prej 450 milionë paund kokainë është gjetur në portin Southampton.

kokainë