Përfundimi i Kupës së Botës shënoi edhe fundin e karrierës ndërkombëtare për disa nga emrat më të njohu...
BOTA
Gjermania, Polonia dhe Norvegjia bëhen bashkë, i dërgojnë Ukrainës një paketë ndihme prej 500 milionë dollarësh
PiranjatPërditësimi i fundit 3 Dhjetor 2025, 11:26
Gjermania, Polonia dhe Norvegjia do të ofrojnë së bashku një paketë të re mbështetjeje për Ukrainën, me një vlerë totale prej 500 milionë dollarësh, nga të cilat 200 milionë do të mbulohen nga Berlini. Njoftimi u bë nga Ministri i Jashtëm gjerman Johannes Vandeful, përpara fillimit të takimit të Këshillit të Ministrave të Jashtëm të NATO-s në Bruksel.
“Qeveria federale është shumë krenare që, së bashku me miqtë tanë në Poloni dhe Norvegji, mund të krijojmë një paketë të madhe të radhës, e cila është thelbësore për të mbështetur Ukrainën. 500 milionë dollarë janë një shumë e konsiderueshme, nga të cilat 200 milionë ofrohen nga Gjermania”, tha Vandeful. Sipas ministrit gjerman, paketa e re e përbashkët e mbështetjes për Ukrainën tregon gjithashtu se “ne jemi të vendosur bashkërisht për t’i rezistuar në mënyrë aktive agresionit rus”.
Ministri i Jashtëm gjerman përshëndeti të gjitha përpjekjet që synojnë t’i japin fund luftës së Rusisë kundër Ukrainës, por nënvizoi mungesën e gatishmërisë nga pala ruse për negociata serioze paqeje. “Por për momentin nuk shohim ndonjë gatishmëri serioze nga pala ruse për të kaluar në një regjim negociues. Kjo është arsyeja pse duhet të jetë e qartë se ku qëndrojmë. Ne qëndrojmë fort në anën e Ukrainës. Ne jemi të gatshëm dhe të aftë ta mbështesim Ukrainën për aq kohë sa të jetë e nevojshme. Kjo demonstrohet nga kjo paketë dhe përpjekjet tona të mëtejshme në nivel evropian për të përdorur asetet e ngrira ruse”, përfundoi kreu i Shërbimit të Jashtëm Gjerman.
