Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
Grabitja e blindave/ Vëllai i Admir Muratajt kërkon lirim me kusht nga burgu i Reçit
PiranjatPërditësimi i fundit 9 Shkurt 2026, 12:09
Aleksandër Murataj, vëllai i Admir Murataj, që mbeti i vrarë në përplasjen me policinë gjatë grabitjes së parave në aeroportin e Rinasit, i është drejtuar me një kërkesë gjykatës së Shkodrës, duke kërkuar lirimin me kusht nga qelia.
Murataj, është dënuar nga Gjykata e Krimeve të Rënda, me 12 vjet e 8 muaj burgim për akuzën e “Vjedhje me armë” kryer në formën e “Grupit të Strukturuar Kriminal”, “Vjedhje e Bankave dhe arkave të kursimeve” të rreth 5 milion eurove në ambientet e autoblindave që po qarkullonin në rrugën Kashar-Rinas.
Gazetari Elton Qyno, ka mësuar se Aleksandër Murataj, është arrestuar mbrëmjen e 14 Marsit 2017, dhe që nga dita e ndalimit e deri më sot ai ka vijuar vuajtjen e dënimit me burg.
Por tashmë përmes një kërkese të depozituar në muajin Qershor 2025, në gjykatën e Shkodrës po zhvillohet një gjyq me qëllim lirimin ose jo të Aleksandër Murataj.
Kërkesa e Murataj, vjen në një kohë kur ka arritur të fitojë në gjykatë në 2025, dy ulje dënimit me 45 ditë dhe 90 ditë burgim.
Aktualisht çështja me objekt lirimin e tij me kusht, po gjykohet në gjykatën e Shkodrës nga gjyqtarja, Elona Mërtiri, e cila ende nuk ka dalë me një vendim përfundimtar.
Sipas dosjes hetimore ku rezulton i dënuar Aleksandër Murataj, në 9 shkurt 2017 u godit eskorta që transportonte paratë e një banke të nivelit të dytë drejt Rinasit dhe në të u grabitën mbi 3.3 milion euro.
Aleksandër Muraj është pjesë e një grupit kriminal që drejtohej nga vëllai i tij, i ndjeri Admir Murataj.
Ky grup pretendonte Prokuroria e Krimeve të Rënda, janë autorët e grabitjeve në tre episode në aksin Qafë Kashar-Rinas dhe kanë mundur të marrin nën kërcënimin e armëve mbi 10 milion euro, ndërkohë gjatë arrestimit të pjesëtarëve të bandës janë sekuestruar më pak se 1 milion euro dhe për paratë e tjera s’ka ende asnjë gjurmë.
