Policia e Fierit ka vënë në pranga, dajën e deputetes së PS, Zegjine Çaushi, pasi Bledar Bakaj dyshohet se plagosi me drap&eum...
BOTA
Gruaja fiton ‘jackpot’-in prej 500 mijë eurosh dhe nuk kthehet më në shtëpi
PiranjatPërditësimi i fundit 20 Mars 2026, 19:48
Një histori e pazakontë ka shpërthyer në Carsoli, ku një fitim prej 500 mijë eurosh nga një biletë “gërvisht dhe fito” është kthyer në një përplasje mes një çifti.
Ajo që nisi si një dhuratë për 8 Marsin, përfundoi në konflikt, pasi gruaja që rezultoi fituese është zhdukur dhe dyshohet se kërkon ta mbajë të gjithë shumën për vete.
Sipas raportimeve, burri kishte blerë biletën prej 5 eurosh dhe ia kishte dhuruar partneres si një gjest simbolik për Festën e Grave.
Fillimisht, gruaja nuk i besoi fatit të saj, duke e kontrolluar disa herë biletën dhe madje duke kërkuar verifikim edhe nga punonjësi i lokalit ku ishte blerë.
Por pasi u konfirmua fitimi i madh, situata mori një kthesë të papritur. Gruaja e depozitoi biletën në bankë dhe që prej asaj dite nuk është kthyer më në shtëpi, ndërsa nuk i përgjigjet as telefonatave të partnerit.
I tronditur nga ajo që ka ndodhur, burri ka deklaruar se do t’u drejtohet Carabinieri për të kërkuar të drejtën mbi biletën fituese, duke pretenduar se ai është blerësi i saj.
Ndërkohë, punonjësit e barit ku u ble bileta konfirmojnë se ishte pikërisht burri ai që e bleu dhe ia dha menjëherë partneres si dhuratë. Çifti, sipas burimeve, kishte një lidhje të gjatë dhe prej pak kohësh bashkëjetonin.
Tashmë mbetet e paqartë se kujt i takon ligjërisht fitimi në raste të tilla, ndërsa historia ka ngritur pikëpyetje të forta: kur një biletë fituese dhurohet, a i përket ajo dhuruesit apo personit që e merr?
Numrat fatlumë të biletës kanë qenë 13, 47, 29 dhe 50, por mbetet për t’u parë se kush do të jetë në fund “fituesi” i vërtetë i kësaj historie./PërktheuPiranjat News
