Atentati ndaj kryeministrit sllovak/ "Tani është në gjendje të hajë", Kalinak: Shërimi i plotë i Ficos do të jetë i gjatë, por është në rrugën e duhur

Robert Fico

SLLOVAKI- Shërimi i kryeministrit sllovak Robert Fico mësohet se do të jetë "shumë i gjatë". Në lidhje me gjendjen e Ficos ka dalë në një deklaratë sot zëvendëskryeministri Robert Kalinak.Gjatë fjalës së tij Kalinak tha se spitali e cilësoi gjendjen e kryeministrit të kënaqshme.

Fico u sulmua nga një person i armatosur më 15 maj ndërsa po përshëndeste mbështetësit pas një takimi të kabinetit në Hadlova, një qytet në Sllovakinë qendrore. Ai iu nënshtrua menjëherë dy operacioneve një orëshe, në një spital në qytetin e Banska Bystrica, ku qëndron për shtrimin në spital.

"Shërimi i kryeministrit është më në fund në rrugën e duhur," tha Kalinak, duke vënë në dukje se do të jetë tepër e gjatë sepse dëmtimet e tij janë shumë të rënda.

Fich tani është në gjendje të hajë ushqim. Sipas shefit të këshilltarëve të kryeministrit, Eric Kalinak, i pranishëm në sulm, "brenda pak milimetrash" plumbat mund të kishin vrarë Ficon.

“Zorra e hollë është goditur në atë mënyrë që është shpuar në pesë vende, por mjekët kanë bërë mrekulli”, tha ai.

“Nëse ndonjë organ vital do të ishte goditur, do të ishte fatal”, shtoi ai.

Spitali njoftoi se trajtimi i kryeministrit vijon sipas planit dhe gjendja e tij shëndetësore është e kënaqshme. Autori i atentatit, 71-vjeçari Jurai Tsintula, u arrestua dhe u la në paraburgim, i akuzuar për tentativë vrasje me paramendim.

robert fico sllovaki