Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
BOTA
Sulmi në ambasadën izraelite në Stokholm, autoritetet suedeze rrisin sigurinë në vend
n.fPërditësimi i fundit 17 Maj 2024, 22:51
Foto ilustruese
SUEDI- Policia suedeze njoftoi sot se ka rritur sigurinë në vende pas të shtënave të regjistruara gjatë natës pranë ambasadës izraelite në qendër të Stokholmit. Një patrullë e policisë suedeze dëgjoi të shtëna armësh rreth orës 2 të mëngjesit të së premtes pranë misionit diplomatik izraelit. Polica rrethoi zonën dhe kreu një sërë kontrollesh në lagje të ndryshme të Stokholmit në orët e para të mëngjesit të sotëm. Një hetim u nis për një shkelje të rëndë të ligjeve të armëve.
“Për shkak të të shtënave të dyshimta pranë ambasadës izraelite në Stokholm, policia po merr masa sigurie (për të mbrojtur) pronën dhe interesat izraelite dhe hebreje në të gjithë vendin”, tha agjencia e zbatimit të ligjit në faqen e saj të internetit.
Sipas një njoftimi, policia ka bërë disa arrestime, por prokurorja përgjegjëse për hetimin, Marika Hope, përmes një deklarate tha po ndjekin nga afër hetimin e vazhdueshëm
“Ne po ndjekim nga afër hetimin e vazhdueshëm suedez për të shtënat përpara ambasadës izraelite në Stokholm”, shkroi ambasadori i Izraelit në Suedi, Ziv Nevo Kuhlman, në platformën e mediave sociale X.
Policia nuk ka pranuar të thotë nëse të shtënat kishin për qëllim ambasadën izraelite. Në shkurt, policia suedeze gjeti një pajisje "me gjasë të aktivizuar" brenda ambasadës dhe ambasadori i Izraelit tha se ishte një tentativë sulmi. Shërbimi suedez i inteligjencës (Säpo) kishte nisur një hetim për një "krim terrorist".
