Një aksident me tre automjete është regjistruar në Lushnjë, në rrugën që të çon drejt stadiumit, pranë...
BOTA
Irani goditi 2 baza kryesore ajrore izraelite gjatë sulmit të 1 tetorit, Netanyahu: Po mbrohemi në 7 fronte kundër armiqve të qytetërimit
M.B.Përditësimi i fundit 6 Tetor 2024, 12:46
LINDJ E MESME- Një sulm i fundit raketor nga Irani goditi dy baza ajrore izraelite, Nevatim dhe Tel Nof, siç konfirmohet nga Forcat Mbrojtëse të Izraelit (IDF). Edhe pse sulmet prekën si zona ushtarake ashtu edhe ato civile, IDF nuk raportoi të lënduar ose dëme të konsiderueshme në aeroplanët ose operacionet izraelite.
Izraeli pritet të përgjigjet në kohën dhe vendin e zgjedhur prej tij. Breshëria e raketave të Iranit, pjesë e Operacionit "Premtimi i Vërtetë II", pasoi vrasjen e shefit të Hezbollahut dhe një komandanti iranian të IRGC-së në Bejrut nga forcat izraelite.
Kryeministri i Izraelit, Benjamin Netanyahu ka thënë se gati një vit pas sulmeve të Hamasit ndaj Izraelit, vendi i tij tani po lufton në shtatë fronte.
“Sot, Izraeli po mbrohet në shtatë fronte kundër armiqve të qytetërimit”, ka deklaruar Netanyahu të shtunën.
Ai ka thënë se ato përfshijnë Hezbollahun e mbështetur nga Irani në veri, Hamasin në Gaza, Houthis në Jemen, “terroristët” në Bregun Perëndimor dhe milicitë shiite në Irak dhe Siri.
“Dhe ne po luftojmë kundër Iranit, i cili javën e kaluar gjuajti mbi 200 raketa balistike direkt në Izrael dhe që qëndron pas kësaj lufte me shtatë fronte kundër Izraelit”, është shprehur Netanyahu.
Ai ka shtuar se po mban premtimin e tij për të ndryshuar balancën e fuqisë në veri midis Izraelit dhe Libanit.
