Ish-presidenti brazilian probleme me drejtësinë, përfitoi 1.2 milionë euro nga shitja e bizhuterive që iu dhuruan kur ishte në pushtet

Jair Bolsonaro

BRAZIL- Ish-presidenti i Brazilit, Jair Bolsonaro është i përfshirë në një rast të shitjes së paligjshme të bizhuterive dhe dhuratave luksoze që i janë dhënë atij dhe gruas së tij gjatë kohës që ishte në detyrë. Sipas raportimeve shitja e paligjshme e bizhuterive të cilat ishin dhuratë shkojnë në vlerën rreth 1.2 milionë dollarë.

Sipas hetimeve nga Policia Federale e Brazilit, Bolsonaro rekomandohet të ndiqet penalisht për pastrim parash dhe përvetësim në periudhën 2019-2022, vepra që lidhen me dhuratat e padeklaruara. Dhuratat e qeverive të huaja kishin arritur në duart e Bolsonaros dhe më pas shiteshin “për pasurim të paligjshëm” të presidentit të atëhershëm.

Më tej bëhet me dije se ato para nuk i kishin kaluar presidentit përmes bankave por në "të zezë".
Hetimi i autoriteteve tregon se ka indikacione të forta se Bolsonaro ka ditur dhe ka përfituar nga aktiviteti.

Siç vë në dukje BBC, çështja përqendrohet në pretendimet se Bolsonaro u përpoq të importonte dhe mbante në mënyrë të paligjshme bizhuteri të shtrenjta të dhuruara atij dhe gruas së tij nga Arabia Saudite në vitin 2019. Midis tyre ishin orët Rolex dhe Patek Phillipe dhe bizhuteri diamanti Chopard, secila me vlerë dhjetëra mijëra dollarë.

Të gjitha këto u zbuluan në doganë kur një bashkëpunëtor i tij u përpoq t'i fuste brenda në Brazil në vitin 2021. Pasi çështja u bë publike, Bolsonaro i ktheu ato – edhe pse jo të gjitha.Bolsonaro flet për akuza të motivuara politikisht, por nuk është përgjigjur drejtpërdrejt për këtë çështje. Prokurorët kanë 15 ditë për të vendosur nëse do të ndjekin penalisht ish-presidentin. Nëse shpallet fajtor, nëse çështja shkon deri në atë pikë, ish-presidenti përballet me 25 vjet burg.

jair bolsonaro brazil