Moti i paqëndrueshëm ka përfshirë gjatë orëve të fundit qarkun e Elbasanit, ku reshje të dendura shiu, breshër dh...
BOTA
“Izraeli do të ketë të drejtën të mbrohet nga Hezbollahu”/ Rubio: Një marrëveshje me Iranin është e mundur që sot
PiranjatPërditësimi i fundit 25 Maj 2026, 08:06
Sekretari amerikan i Shtetit Marco Rubio deklaroi se një marrëveshje për t’i dhënë fund konfliktit me Iranin mund të arrihet shumë shpejt, madje “që sot”.
Duke folur nga New Delhi para largimit nga India, Rubio u shpreh se kishte pritshmëri për zhvillime të rëndësishme në orët e fundit.
“Menduam se mund të kishim disa lajme mbrëmë, ndoshta sot, por nuk do t’i jepja shumë rëndësi”, tha ai para gazetarëve gjatë vizitës së tij zyrtare.
Kreu i diplomacisë amerikane theksoi gjithashtu se Izrael do të ruajë gjithmonë të drejtën për vetëmbrojtje, pavarësisht çdo marrëveshjeje të mundshme mes Shtetet e Bashkuara dhe Iranit.
“Izraeli gjithmonë ka të drejtë të mbrojë veten. Çdo vend në botë e ka këtë të drejtë”, deklaroi Rubio, duke iu referuar edhe kërcënimeve të mundshme nga Hezbollah.
Ai shtoi se nëse Hezbollah përgatit ose kryen sulme me raketa ndaj Izraelit, atëherë Izraeli ka të drejtën të kundërpërgjigjet.
Deklaratat e Rubios vijnë në një moment tensionesh të larta në Lindjen e Mesme, ndërsa përpjekjet diplomatike për një marrëveshje mes Uashingtonit dhe Teheranit po ndiqen me vëmendje nga komuniteti ndërkombëtar.
