CNN, përmes rubrikës analitike ‘Fareed’s Global Briefing’, i ka kushtuar vëmendje protestave që po zhvillohen prej rreth...
BOTA
Izraeli vret zëdhënësin e trupave të Gardës Revolucionare Islamike
PiranjatPërditësimi i fundit 20 Mars 2026, 09:46
Zëdhënësi i Gardës Revolucionare të Iranit, gjenerali Ali Mohammad Naini, është vrarë gjatë një sulmi izraelit, sipas mediave të huaja.
Raportet tregojnë se ai humbi jetën në një nga sulmet ajrore që goditën qendrat strategjike të komandës në Teheran dhe në zonën e Karaj në ditët e fundit.
Më herët, të martën më 17 mars, u konfirmua edhe vdekja e Ali Larijani, Sekretar i Këshillit Suprem të Sigurisë Kombëtare, si dhe e Gholam Reza Soleimani, drejtues i milicisë Basij. Megjithatë, Irani deklaron se mbetet ende në gjendje të prodhojë raketa balistike.
Sipas mediave ndërkombëtare, Tel Avivi ka qenë objekt i sulmeve iraniane që nga mëngjesi i së premtes, me sirena alarmi që janë aktivizuar disa herë dhe qytetarë që janë detyruar të strehohen. Edhe vendet e Gjirit vijojnë të jenë në shënjestër të raketave dhe dronëve.
Emiratet e Bashkuara Arabe njoftuan se sistemet e mbrojtjes ajrore tentuan të interceptonin raketa, Arabia Saudite deklaroi se dronët u rrëzuan kryesisht në rajonin lindor, ndërsa Bahreini raportoi për një zjarr në një depo, i shkaktuar nga mbetje të rëna gjatë një sulmi iranian, i cili më pas u vu nën kontroll.
Ndërkohë, Shtetet e Bashkuara po ndërmarrin hapa për të rihapur Ngushticën e Hormuzit, duke angazhuar avionë luftarakë që fluturojnë në lartësi të ulët për të goditur anijet iraniane, si dhe helikopterë Apache për të neutralizuar dronët iranianë, sipas burimeve ushtarake amerikane.
