Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Jo vetëm Koreja e Veriut, por edhe një shtet komunistë ka dërguar mijëra luftëtarë në Ukrainë. Publikohen kabllogramet amerikane
PiranjatPërditësimi i fundit 5 Tetor 2025, 22:50
Mijëra luftëtarë kubanë po marrin pjesë aktive në pushtimin rus të Ukrainës, sipas një kabllogrami të brendshëm të Departamentit të Shtetit të SHBA-së të cituar nga Reuters.
“Pas Koresë së Veriut, Kuba është vendi që kontribuon me numrin më të madh të trupave të huaja në ofensivën e Rusisë, me rreth 1,000 deri në 5,000 kubanë që luftojnë në Ukrainë", thuhej në kabllogram.
Shtetet e Bashkuara kanë informuar Ukrainën për këtë çështje, si pjesë e përpjekjeve të tyre për të kundërshtuar një rezolutë të Kombeve të Bashkuara që i bën thirrje Uashingtonit të heqë embargon ndaj Kubës, e cila është në fuqi që nga viti 1960.
Rezoluta e OKB-së ka vlerë simbolike sepse vetëm Kongresi i SHBA-së mund ta heqë embargon dekadash të vjetra.
Moska njihet për rekrutimin e luftëtarëve të huaj nga vende si Nepali, Somalia, India dhe Kuba që nga fillimi i luftës në vitin 2022. Vitin e kaluar, Bloomberg raportoi se Rusia ofroi paga bujare dhe premtimin e shtetësisë për luftëtarët kubanë, pavarësisht përpjekjeve të Havanës për të frenuar rekrutimin.
Në atë kohë, numri i rekrutëve kubanë ishte me qindra. Që atëherë, ky numër është rritur në mijëra, ndërsa autoritetet ukrainase kanë paralajmëruar ligjvënësit amerikanë për rritjen e rekrutimit të mercenarëve kubanë nga Rusia.
Kuba dhe Rusia kanë mbajtur lidhje të ngushta që nga Lufta e Ftohtë. Kuba së fundmi iu bashkua grupit BRICS të udhëhequr nga Rusia si një vend partner në tetor 2024. /Piranjat.al/
