Një 53-vjeçar është arrestuar në flagrancë në fshatin Bunec, pasi dyshohet se ka qëlluar me armë zjarri në...
BOTA
Katër dekada në arrati, arrestohet në Argjentinë anëtari i bandës famëkeqe "Brigadat e Kuqe" që rrëmbeu dhe vrau ish-kryeministrin e Italisë
S.BPërditësimi i fundit 30 Gusht 2024, 19:51
Leonardo Bertulazzi
ARGJENTINË- Policia në Buenos Aires ka arrestuar një person të kërkuar në Itali prej dekadash për një rrëmbim të kryer nga grupi militant i ekstremit të majtë, Brigadat e Kuqe. Leonardo Bertulazzi, i cili prej vitesh kishte statusin e refugjatit në Argjentinë, po përballet me një dënim me 27 vjet burg në Itali pas gati 44 vitesh në arrati.
Tani në moshën 72-vjeçare, Bertulazzi u dënua në mungesë në Itali në vitet 1970 për rrëmbimin e Pietro Costa, një inxhinier detar nga një familje e pasur pronare anijesh në Genova. Ai u arrestua për herë të parë nga policia e Buenos Aires në vitin 2002, pasi thuhet se kishte hyrë në vend nga Kili me një pasaportë false, por u lirua disa muaj më vonë dhe ekstradimi i tij u bllokua.
Leonardo Bertulazzit iu dha statusi i refugjatit dy vjet më vonë, por ai u revokua kur presidenti i krahut të djathtë të Argjentinës, Javier Milei, erdhi në pushtet. Brigadat e Kuqe ishin një grup guerril marksist që rrëmbeu dhe vrau një numër zyrtarësh shtetërorë në vitet 1970 dhe 1980, duke përfshirë një ish-kryeministër italian, Aldo Moro.
Ajo periudhë e dhunës politike u bë e njohur si "Vitet e Plumbit" për shkak të vargut të krimeve të ekstremit të majtë dhe të djathtë. Bertulazzi kishte qenë pjesë e seksionit të Genovas të Brigadave të Kuqe që rrëmbyen Pietro Costa në rrugë dhe më pas e mbajtën atë për 81 ditë përpara se të merrte një shpërblim të madh.
Paratë që mori nga rrëmbimi u përdorën më pas për të blerë një banesë në Romë, e cila u përdor në vitin 1978 për krimin më famëkeq të Brigadave të Kuqe, rrëmbimin dhe vrasjen e Aldo Moro. Moro u rrëmbye kur makinës së tij iu zu pritë rrugës për në hapjen e parlamentit. Ai u mbajt në banesë për 54 ditë përpara se të qëllohej dhe trupi i tij të braktisej në bagazhin e një makine Renault në qendër të Romës.
Kryeministrja italiane Giorgia Meloni vlerësoi autoritetet në Buenos Aires për arrestimin e Bertulazzi-t, duke shtuar se ndalimi i tij u bë i mundur nga "bashkëpunimi intensiv dhe i frytshëm" që përfshin autoritetet në të dy vendet si dhe nga Interpoli. Avokatët e Bertulazzi-t i kanë bërë thirrje komisionit kombëtar të Argjentinës për Refugjatët (Conare) për të parandaluar ekstradimin e tij.
Përpjekjet italiane për të ekstraduar nga Franca ish-anëtarë të tjerë të Brigadave të Kuqe kanë dështuar në gjykata.
