Përfundimi i Kupës së Botës shënoi edhe fundin e karrierës ndërkombëtare për disa nga emrat më të njohu...
BOTA
Kina ndalon shitjen e dronëve në Pekin, për shkak të shqetësimeve për sigurinë publike
PiranjatPërditësimi i fundit 30 Prill 2026, 12:39
Kina ka marrë vendimin për ndalim të shitjes së dronëve në Pekin, duke përmendur shqetësime për sigurinë publike. Sipas rregullave të reja, shitja, dhënia me qira ose importimi i dronëve dhe komponentëve të tyre kryesorë në kryeqytetin kinez do të ndalohet. Përveç kësaj, ata që tashmë zotërojnë dronë do të duhet t'i regjistrojnë pajisjet e tyre në polici.
Mediat e huaja shkruajnë se, Kina ka shtrënuar gradualisht rregulloret për dronët vitet e fundit. Dronët dhe taksitë fluturuese janë pjesë e të ashtuquajturës ekonomi e lartësisë së ulët, e cila është një përparësi strategjike për Kinën dhe pritet të gjenerojë më shumë se dy trilionë juanë (248 miliardë euro) deri në vitin 2035.
Në fakt, në disa qytete kineze, dronët janë një pamje e zakonshme, të përdorur për shpërndarjen e ushqimit, bujqësinë dhe pastrimin e ndërtesave. Dronët duhet të regjistrohen përpara se të hyjnë dhe të dalin nga Pekini. Dhe nëse përdoruesit i dërgojnë dronët e tyre jashtë qytetit për riparim, ata duhet ta marrin pajisjen personalisht në vend që ta dorëzojnë atë.
Të gjitha fluturimet me dronë në natyrë në Pekin do të kërkojnë gjithashtu miratim paraprak dhe përdoruesit duhet të përfundojnë një sesion trajnimi online dhe të kalojnë një provim mbi rregulloret për operimin e dronëve. Ekzistojnë përjashtime nga çdo rregull, si prsh, dronët mund të blihen dhe ruhen ende për qëllime të tilla si antiterrorizmi dhe ndihma në rast katastrofash, me kusht që të marrin miratimin përkatës nga autoritetet.
