Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
Komisioni Evropian njofton shpalljen e kundërmasave ndaj tarifave të vendosura nga Trump, cilat produkte amerikane do të synohen
r.llPërditësimi i fundit 4 Prill 2025, 16:58
von der leyen, trump
BRUKSEL- Të hënën e ardhshme, më 7 prill, Komisioni Evropian do të shpallë zyrtarisht kundërmasat që do të caktojë ndaj tarifave të vendosura ndaj Bashkimit Evropian (BE) nga presidenti i Shteteve të Bashkuara të Amerikës, Donald Trump.
Sipas newmoney.gr burime nga Bruksel në kushte anonimiteti deklaruan se, Komisioni Evropian , i cili ka përgjegjësinë ekskluzive për politikën tregtare të BE-së, pritet të shpallë, jo thjesht tarifa hakmarrëse, por edhe më shumë synon të përzgjedhë produkte specifike amerikane që prodhohen në kompani që kanë selitë e tyre në shtetet "e kuqe".
Sipas të njëjtave burime, këto shtete "të kuqe", për shembull Kentaki, qytetarët e të cilit votuan për Presidentin Trump, do të jenë në ballë të hakmarrjes evropiane. Sipas informacioneve të medias greke, tashmë është gati lista e produkteve për të cilat do të vendosen detyrimet hakmarrëse.
Mbrëmjen e së mërkurës, presidenti amerikan njoftoi vendosjen e tarifave për të gjitha vendet, shuma e të cilave për bllokun europian shkon në 20%. Të nesërmen, presidentja e Komisionit Ursula von der Leyen e përshkroi vendimin e Trump si një goditje serioze për ekonominë globale
"Ne po përgatitemi për kundërmasa të mëtejshme për të mbrojtur interesat dhe bizneset tona evropiane nëse negociatat dështojnë", tha ajo. Për më tepër, Von der Leyen kujtoi se BE-ja ka "shumë karta" në arsenalin e saj negociues, duke përfshirë tarifat për sektorët e ndjeshëm për SHBA-në , si shërbimet dhe teknologjia.
