Një 53-vjeçar është arrestuar në flagrancë në fshatin Bunec, pasi dyshohet se ka qëlluar me armë zjarri në...
BOTA
Koreja e Veriut gjuan raketa balistike, Ministria e Jashtme: Akt i rrezikshëm dhe provokues! Mund të nxisë konflikt me Korenë e Jugut
b.zPërditësimi i fundit 10 Mars 2025, 22:41
Foto ilustruese
KORE E VERIUT - Koreja e Veriut ka gjuajtur “disa raketa të paidentifikuara balistike” më 10 mars, tha ushtria e Koresë së Jugut.
Gjuajtja e këtyre raketave ndodhi në ditën e njëjtë kur Seuli dhe Uashingtoni nisën një ushtrim të madh vjetor ushtarak të njohur si “Mbrojtësja e Lirisë”.
“Ushtria jonë ka detektuar rreth orës 13:50 disa raketa të paidentifikuara balistike u gjuajtën nga provinca Hvangae në Detin e Perëndimit”, tha Shtabi i Përgjithshëm i ushtrisë së Seulit duke iu referuar detit që njihet si Deti i Verdhë.
“Ushtria jonë do të rrisë vëzhgimin dhe do të jetë në gatishmëri të plotë në bashkëpunim të ngushtë me Shtetet e Bashkuara”, tha ushtria.
SHBA-ja ka stacionuar dhjetëra mijëra ushtarë në Korenë e Jugut dhe aleatët vazhdimisht mbajnë stërvitje të përbashkëta ushtarake, që ata thonë se janë të natyrës mbrojtëse.
Por, stërvitje të tilla e kanë zemëruar Phenianin që i cilëson si ushtrime për pushtim dhe rregullisht përgjigjet duke testuar armë.
Më herët gjatë së hënës, Koreja e Veriut i cilësoi stërvitjet si “akt provokues”, duke paralajmëruar për rrezikun e shpërthimit të një lufte “me një gjuajtje të vetme aksidentale”.
“Ky është një akt i rrezikshëm provokues që çon në një situatë akute në Gadishullin Korean, që mund të nxisë një konflikti fizik mes dy palëve përmes një shkrepjeje aksidentale”, tha Ministria e Jashtme e Phenianit, sipas agjencisë shtetërore të lajmeve në Korenë e Verut, KCNA.
Stërvitja e përbashkët ushtarake e SHBA-së dhe Koresë së Jugut “Mbrojtësja e Lirisë 2025” nisi të hënë dhe do të përfshirë trajnime të ndryshme, tha SHBA-ja.
Stërvitjet do të zgjasin deri më 20 mars.
Këto stërvitje po mbahen pasi dy avionë luftarakë të ushtrisë së Seulit aksidentalisht gjuajtën tetë bomba në një fshat gjatë stërvitjeve të përbashkëta ushtarake me forcat amerikane më 6 mars.
Afër 31 persona, përfshirë civilë dhe personel ushtarak, u plagosën në incident, tha ushtria e Koresë së Veriut.
Raportet mes Phenianit dhe Seulit janë në pikën më të ulët në vitet e fundit, me Veriun që vitin e kaluar lëshoi një mori raketash balistike në kundërshtim me sanksionet e Kombeve të Bashkuara.
Dy Koretë teknikisht janë në luftë që kur konflikti i viteve 1950-1953 përfundoi me një armëpushim, por jo me një marrëveshjeje të paqes./REL
