Kurti e Sarrazin takim në rezidencën e ambasadorit gjerman, reagon Rohde: Diskutim i mirë dhe intensiv për rrugën përpara në Procesin e Berlinit!

Takimi

KOSOVË- Kryeministri i Kosovës, Albin Kurti ka zhvilluar një takim me Përfaqësuesin e Posaçëm të Gjermanisë për Ballkanin Perëndimor, Manuel Sarrazin në Rezidencën e Ambasadorit të Gjermanisë në Kosovë, Jorn Rohde.

Sipas një komunikate të lëshuar nga zyra e kryeministrit, temë e diskutimi ishte progresi në zbatimin e marrëveshjeve të mobilitetit në Procesin e Berlinit, bashkëpunimi rajonal dhe pritjet nga samiti i radhës që në 10-vjetorin e tij do të mbahet në Berlin. Kurti kujtoi rëndësinë që para samitit të radhës të fillojë zbatimi i marrëveshjes për udhëtim me letërnjoftime ndërmjet Kosovës dhe Bosnjë dhe Hercegovinës, që lehtëson lëvizjen e lirë të qytetarëve.

Në lidhje me këtë takim ka reaguar edhe ambasadori gjerman, Rohde për mes një postimi në llogarinë e tij në "X". Në reagimin e tij Rohde tha se është i nderuar që ka pritur ata, ndërsa tregoi se temë e diskutimit në këtë tryezë ishte Procesit i Berlinit.

“I nderuar që kam përsëri si të ftuar në rezidencën time, të nderuarin kryeministrin e Kosovës Albin Kurti dhe të dërguarin tim gjerman për Ballkanin Perëndimor Manuel Sarrazin. Diskutim i mirë dhe intensiv për rrugën përpara në Procesin e Berlinit!”, shkroi Rohde.

kurti kosova rohde