Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Kurti takim me Drejtorin e Qendrës Memoriale të gjenocidit të Srebrenicës: Serbia duhet të ballafaqohet me të kaluarën e saj! Të mbajë përgjegjësi për krimet
n.fPërditësimi i fundit 10 Qershor 2024, 17:27
Foto ilustruese
KOSOVË- Kryeministri i Kosovës, Albin Kurti ka zhvilluar ditën e sotme një takim me Drejtorin e Qendrës Memoriale të gjenocidit të Srebrenicës, Emir Suljagiç. Vetë drejtori është i mbijetuar i këtij gjenocidi të kryer nga forcat serbe në korrikun e vitit 1995, në të cilën u vranë mbi 8.000 boshnjakë.
Kurti i uroi mirëseardhje në Kosovë, në 25- vjetorin e çlirimit të Kosovës dhe përfundimit të spastrimit etnik dhe gjenocidit të Serbisë në Kosovë.
“Duke vlerësuar miratimin e rezolutës së Kombeve të Bashkuara mbi 11 korrikun si Ditë Ndërkombëtare të përkujtimit të gjenocidit të Srebrenicës, Kryeministri rikujtoi se Kuvendi i Republikës së Kosovës ka miratuar në korrikun e vitit 2021 një rezolutë të posaçme e cila e dënon gjenocidin serb në Srebrenicë.
Në takim u vlerësua bashkëpunimi mes Institutit për hulumtimin dhe dokumentimin e krimeve të kryera gjatë luftës në Kosovë dhe Qendrës Përkujtimore të Srebrenicës dhe memorandumi i bashkëpunimit që pritet të nënshkruhet”, thuhet në njoftimin e bërë nga Zyra e Kryeministrit.
Në deklaratën e kryeministrisë thuhet se Kurti theksoi përkushtimin e Qeverisë për procese gjithëpërfshirëse të drejtësisë tranzicionale, si dhe finalizimin e Strategjisë së parë të Republikës së Kosovës për Drejtësi Tranzicionale.
“U tha se për paqe në Ballkan, Serbia duhet të ballafaqohet me të kaluarën e saj dhe të mbahet përgjegjëse për krimet, masakrat dhe gjenocidet e kryera, dhe që të sillen para drejtësisë përgjegjësit e krimeve të kryera gjatë luftës. Duke e falënderuar Kryeministrin për takimin, Suljagić shprehu mirënjohje për mikpritjen e ngrohtë që po i bëhet në Kosovë si dhe ritheksoi potencialin e bashkëpunimit ndërmjet Kosovës dhe Bosnjë e Hercegovinës,” thuhet në njoftim.
