Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Kush do ta pasojë Justin Trudeau si kryeministër i Kanadasë? Ja emrat që përfliten
ZH.LLPërditësimi i fundit 8 Janar 2025, 08:13
Justin Trudeau
KANADA- Koha po ikën për Partinë Liberale të Kanadasë, e cila duhet të gjejë një udhëheqës të ri përpara se Parlamenti i Canda të kthehet më 24 mars dhe kushdo që bëhet kryeministër mund të mos jetë në detyrë për një kohë të gjatë.
Kryeministri aktual, Justin Trudeau, dha dorëheqjen papritur pas një rënie të gjatë dhe të madhe të popullaritetit të tij. Faktorët shtytës pas rënies së tij përfshijnë rritjen e kostos së jetesës dhe strehimit, si dhe rritjen e emigracionit, por goditja e fundit politike ndaj Trudeau ishte dorëheqja e ministres së tij të fuqishme dhe besnike të Financave, Chrystia Freeland.
Trudeau ka thënë se do të qëndrojë në post derisa partia e tij të zgjedhë një lider për ta pasuar atë. Por të tre partitë kryesore opozitare të Kanadasë janë zotuar të rrëzojnë qeverinë liberale në rastin e parë nëpërmjet një votimi mosbesimi, i cili nga ana tjetër do të shkaktonte zgjedhje.
Këtu janë emrat që dalin në krye
Nuk ndodh shpesh që guvernatorët e bankave qendrore të krahasohen me yjet e rock-ut. Por Mark Carney, ish-kreu i Bankës së Kanadasë, u konsiderua pikërisht kështu në vitin 2012, kur ai u bë i huaji i parë që shërbeu si guvernator i Bankës së Anglisë që nga krijimi i institucionit në 1694.
Carney është një ekonomist me arsim të lartë me përvojë në Wall Street, i njohur gjerësisht për ndihmën e Kanadasë për të shmangur më të keqen e krizës ekonomike globale të vitit 2008 dhe për të ndihmuar Mbretërinë e Bashkuar të menaxhojë Brexit dhe duke fituar një reputacion gjatë rrugës si një rregullator i ashpër. Ndërsa ai nuk ka përvojë elektorale, Carney tha në një deklaratë se është i inkurajuar nga mbështetja që ka marrë, duke deklaruar se ai po shqyrton vendimin e tij me familjen gjatë ditëve të ardhshme.
Ndërkohë, Freeland e dorëhequr së fundmi është një tjetër emër favorit. Trudeau i tha Freeland muajin e kaluar se nuk donte që ajo të shërbente më si ministre e financave, por se ajo mund të mbetej zëvendëskryeministre dhe personi kryesor për marrëdhëniet SHBA-Kanada.
Një zyrtar i afërt me Freeland tha për Associated Press se ajo nuk mund të vazhdonte të shërbente si ministre duke e ditur se nuk gëzonte më besimin e Trudeau. Pasi ajo dha dorëheqjen, presidenti i sapozgjedhur i SHBA-së, Donald Trump e quajti Freeland-in "krejt toksike" dhe "aspak të favorshme për të bërë marrëveshje".
Duke folur pas dorëheqjes së Trudeau, burimi shtoi se ndërsa është shumë herët për të bërë deklarata, Freeland do të bisedojë me kolegët e saj këtë javë dhe do të diskutojë hapat e ardhshëm.
Si një ish-gazetare liberale kanadeze e cila ulet në bordin e Forumit Ekonomik Botëror, ajo mishëron shumë gjëra që dihet se irritojnë Trumpin dhe si një person me origjinë ukrainase, ajo ka qenë gjithashtu një mbështetëse e vendosur e Ukrainës në luftën e saj kundër Rusisë, ndryshe nga shumë figura kyçe në administratën e ardhshme Trump.
Një tjetër kandidat i mundshëm është ministri i ri i financave, Dominic LeBlanc, një ish-ministër i sigurisë publike dhe mik i ngushtë i Trudeau-t, i cili madje e ka ushqyer kryeministrin si fëmijë. Ai u pa së fundmi duke u bashkuar me kryeministrin në një darkë me Trump në Mar-a-Lago në Florida.
