CNN, përmes rubrikës analitike ‘Fareed’s Global Briefing’, i ka kushtuar vëmendje protestave që po zhvillohen prej rreth...
BOTA
La punën si avokate, 45-vjeçarja habit me biznesin e saj: Bleva shtëpi dhe fitoj 4 herë më shumë se paga e vjetër
PiranjatPërditësimi i fundit 29 Prill 2026, 13:33
Një grua që i pëlqen shumë kafshët ka zbuluar se si arriti që të blinte shtëpinë e saj me vlerë 195 mijë paund me të ardhurat që ka fituar duke mbledhur jashtëqitjet e qenve.
“Daily Star” shkruan se Emma Garner bleu shtëpinë me katër dhoma gjumi falë kësaj pune. 45-vjeçarja nisi biznesin e saj të mbeturinave dhe kujdesit për kafshët shtëpiake, “The Dog Poo Professionals”, në vitin 2014 dhe dy vite më vonë e nisi si punë me kohë të plotë.
Garner la punën e saj që e bënte prej 11 vitesh që të merrej me një gjë krejt të re. Adhuruesja e kafshëve ka zbuluar se tani fiton katër herë më shumë se paga e saj e mëparshme në firmën ligjore, e cila ishte 20,000 paund.
Emma thotë se është plotësisht e zënë, duke u shërbyer qindra klientëve në të gjithë zonat e Yorkshire Perëndimore dhe Jugore çdo javë. Tarifat e saj fillojnë nga 14 paund në javë për një qen, me 4 paund shtesë për çdo qen shtesë.
45-vjeçarja, e përshkruan rolin si ‘gjënë më të mirë që ka vendosur të bëjë ndonjëherë’:
“Mbledhja e jashtëqitjeve më ka ndryshuar jetën. Më ka dhënë një ekuilibër të shkëlqyer midis punës dhe jetës personale si dhe asnjë stres. Kjo ishte diçka që e ëndërroja kur isha në punën time si avokate”.
Emma shton se kjo punë i ka mundësuar asaj blerjen e shtëpisë si dhe të jetë financiarisht e lirë. Ajo ka treguar se e nisi sipërmarrjen në fjalë pasi punën e mëparshme e kishte tepër ‘stresuese’.
Përpara se të dorëzonte njoftimin e saj për largim nga puna, ajo kishte filluar të eksploronte idenë e krijimit të biznesit të saj të mbledhjes së barit dhe kishte siguruar një numër të vogël klientësh që i vizitonte gjatë kohës së saj të lirë.
“Pashë një artikull për një burrë në Amerikë që kishte një biznes për mbledhjen e jashtëqitjeve të qenve dhe nuk mund ta hiqja idenë nga mendja. Vendosa një njoftim në “Facebook” dhe brenda 10 minutash pata klientin tim të parë.
Puna e parë që bëra ishte e madhe, kopshti nuk ishte rregulluar për një kohë të gjatë. Mendova me vete, ‘Zot, çfarë pune kam bërë’, por në të vërtetë nuk ishte aq keq kur fillova”, ka treguar Garner.
“Mbledhja e jashtëqitjeve nuk më ka shqetësuar kurrë. Tani kam qindra klientë nga e gjithë Yorkshire, nga të gjitha prejardhjet dhe kjo më ka dhënë shumë më tepër liri”, ka thënë ajo.
Emma aktualisht ofron edhe shërbime për prerjen e thonjve të kafshëve shtëpiake. Ajo tani po kërkon të sjellë një anëtar të ri të ekipit për ta lejuar atë të dalë në pension.
