Deklaratat e Edi Ramës, i cili u shpreh se ishte kujdesur që Erjon Vishkulli, i riu që mbeti i plagosur rëndë në sy gjatë p...
BOTA
“Liderët po bashkëpunojnë me ne”/ Trump anulon fazën e dytë të sulmeve ushtarake në Venezuelë
PiranjatPërditësimi i fundit 9 Janar 2026, 16:19
Presidenti i Shteteve të Bashkuara, Donald Trump, njoftoi të premten se ka anuluar një valë të dytë sulmesh ushtarake ndaj Venezuelës, duke vlerësuar se bashkëpunimi i qeverisë venezueliane me Uashingtonin ka përmirësuar situatën. Ky vendim u bë publik përmes një postimi në platformën e tij sociale, ku ai tha se vendi latin po punon mirë me SHBA-në, veçanërisht lidhur me lirimin e disa të burgosurve politikë dhe bashkëpunimin në sektorin e naftës dhe gazit.
Trump e përshkroi lirimin e një numri politikësh si një “shenjë të kërkimit të paqes” dhe tha se kjo nismë ishte një argument i rëndësishëm për të hequr nga rendi i ditës sulmet e planifikuara. Megjithatë, ai shtoi se forcat amerikane do të qëndrojnë në pozicion për arsye sigurie.
Vendimi vjen pak ditë pas një operacioni ushtarak të SHBA-së në Venezuelë, gjatë të cilit forcat amerikane arrestuan ish-presidentin Nicolás Maduro dhe gruan e tij, Cilia Flores, duke i sjellë në Nju Jork për tu përballur me akuza federale për trafik droge dhe armësh. Maduro dhe Flores janë ndaluar dhe po përballen me akuzat në një gjykatë amerikane.
Trump gjithashtu tha në postimin e tij se të dy vendet po punojnë së bashku për rindërtimin e infrastrukturës së sektorit të naftës dhe gazit në Venezuelë, duke cilësuar bashkëpunimin si “shumë të suksesshëm”.
Ai paralajmëroi se kompanitë amerikane do të kenë rol aktiv në investimet në këtë sektor.
