Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
BOTA
"Macron ka mbaruar ose pothuajse ka përfunduar"/ Le Pen: Presidenti nuk e mbyll mandatin, pres zgjedhje të parakohshme
E.DPërditësimi i fundit 19 Dhjetor 2024, 19:06
FRANCË- Liderja e krahut të djathtë Marine Le Pen ka parashikuar se presidenti francez Emmanuel Macron ka të ngjarë të largohet herët nga posti i tij pasi “i ka zemëruar të gjithë”. Gjithashtu Le pen tha se tashmë është duke u përgatitur për zgjedhje të parakohshme “për masa paraprake”.
Duke folur për Le Parisien liderja për një kohë të gjatë e partisë populiste të krahut të djathtë Rally National (RN), tha se Macron kishte humbur të gjithë autoritetin si brenda ashtu edhe jashtë vendit.
“Ai i ka zemëruar të gjithë. Ai nuk ka më ndikim në Bashkimin Evropian”, tha Le Pen.
Macron ka të ngjarë të largohet herët nga posti i tij, pohoi Le Pen, duke deklaruar se ajo tashmë është duke u përgatitur për të kandiduar për postin. Ajo ka kandiduar për postin më të lartë më parë, duke u përballur me Macron në 2017 dhe 2020, kur arriti të tregojë rezultate më të mira, por megjithatë humbi nga presidenti aktual.
“Emmanuel Macron ka mbaruar ose pothuajse ka përfunduar. Po përgatitem për zgjedhje të parakohshme presidenciale, për masa paraprake, duke marrë parasysh brishtësinë e Emmanuel Macron dhe ato pak leva institucionale që i kanë mbetur," tha Le Pen.
Vlerësimi i Le Pen është në kontrast me premtimet që Macron ka bërë vazhdimisht për të qëndruar në detyrë deri në vitin 2027. Ai ka përjashtuar çdo mundësi për t’u larguar para kohe pavarësisht thirrjeve nga opozita për dorëheqjen e tij.
