Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
BOTA
Presidenti rus propozoi “duel raketash të teknologjisë së lartë” me SHBA në Kiev/ Zelenskty: Putin është thjesht një bastard!
E.DPërditësimi i fundit 19 Dhjetor 2024, 16:42
UKRAINË- Presidenti i Ukrainës, Volodymyr Zelenskyy, ka reaguar ndaj deklaratave të fundit të Vladimir Putin që bëri lidhur me luftën në Ukrainë. Putin propozoi “një duel të teknologjisë së lartë” midis raketës së re balistike hipersonike të Rusisë dhe sistemeve të mbrojtjes raketore amerikane. Gjithashtu ai sugjeroi të dyja palët të zgjedhin një objektiv të caktuar për tu mbrojtur nga raketat amerikane.
“Nuk ka asnjë shans për të rrëzuar këto raketa”, tha Putin.
Ndërsa Zelenskyy e cilësoi Putinin si një person bastard dhe njeri të poshtër. Më tej Zelenskyy theksoi se Ukrainës i duhen edhe 19 sisteme të tjera të mbrojtjes ajrore për të mbrojtur infrastrukturën energjetike, veçanërisht termocentralet bërthamore, nga raketat ruse.
“Sot, një shok nga Kremlini tha se Rusia po ofron një “duel teknologjik”…. A mendoni se ky është një person me karakter? Ai është thjesht një bastard, një i poshtër, një psikopat. Prioriteti ynë është mbrojtja ajrore, përmbushja e marrëveshjeve me partnerët, veçanërisht me Shtetet e Bashkuara, për t’i siguruar Ukrainës sistemet e nevojshme. Ne kemi nevojë për 19 sisteme të tjera për të mbrojtur infrastrukturën energjetike, veçanërisht termocentralet bërthamore, nga raketat ruse ”, tha Zelenskyy.
