Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Masat ndaj Izraelit/ Sanchez: Urgjente që të gjithë të mbështesin GJND-në
e. dPërditësimi i fundit 6 Qershor 2024, 19:51
Pedro Sanchez
SPANJË- Kryeministri spanjoll Pedro Sanchez u bëri thirrje të gjitha shteteve që të mbështesin Gjykatën Ndërkombëtare të Drejtësisë (GJND) në zbatimin e masave të përkohshme kundër Izraelit. Komentet Sanchezit erdhën pasi ministri i Jashtëm Jose Manuel Albares njoftoi vendimin e Spanjës për t’iu bashkuar çështjes së gjenocidit të Afrikës së Jugut kundër Izraelit. Gjithashtu ai tha se Spanja është e përkushtuar ndaj paqes, prosperitetit dhe ligjshmërisë ndërkombëtare.
“Duke pasur parasysh dështimin e qeverisë izraelite për të respektuar kërkesën e Gjykatës Ndërkombëtare të Drejtësisë për të ndalur luftën dhe në mbështetje të respektimit të së drejtës ndërkombëtare dhe të Kombeve të Bashkuara, ne ndërhyjmë në procedurën e nisur nga Afrika e Jugut. Sepse është urgjente që të gjithë të mbështesim gjykatën që të zbatohen masat e paraburgimit ushtarak”, tha Sanchez.
Më tej Sanchez shtoi është thelbësore që të forcojmë Kombet e Bashkuara së bashku, duke mbështetur rolin e gjykatës si organi më i lartë gjyqësor i një sistemi ndërkombëtar të bazuar në rregulla.
“Spanja do të qëndrojë në anën e duhur të historisë”, shtoi ai.
Izraeli ka vazhduar ofensivën e tij brutale në Gaza që nga sulmi i Hamasit më 7 tetor, pavarësisht një rezolute të Këshillit të Sigurimit të OKB-së që kërkon armëpushim të menjëhershëm. Më shumë se 36.600 palestinezë janë vrarë që atëherë në Gaza, shumica prej tyre gra dhe fëmijë, dhe mbi 83.000 të tjerë janë plagosur, sipas autoriteteve lokale shëndetësore.
Pothuajse tetë muaj pas fillimit të luftës izraelite, pjesë të gjera të Gazës janë në rrënoja, krahas një bllokade gjymtuese të ushqimit, ujit të pastër dhe ilaçeve. Izraeli akuzohet për gjenocid në Gjykatën Ndërkombëtare të Drejtësisë, e cila në vendimin e saj të fundit ka urdhëruar Tel Aviv të ndalojë menjëherë operacionin e tij në Rafah, ku mbi një milion palestinezë kishin kërkuar strehim nga lufta përpara se qyteti të pushtohej më 6 maj.
