VIDEO/ I vodhi telefonin turistes, majmuni filmon veten përgjatë shëtitjes 45-minutëshe në pyll

pamje nga ngjarja

INDONEZI- Një majmun i rrëmbeu telefonin një turisteje dhe filloi të filmonte një video selfie të xhiros së tij nëpër xhunglën indoneziane. Turistja Ashley Hoak, 26 vjeç, po filmonte disa nga majmunët vendas në Uluwatu, Bali kur njëri arriti t'i rrëmbejë telefonin nga dora.

Pas përpjekjeve të dështuara për ti marrë telefonin kafshës nga dora, Ashley dhe shoqja e saj Sabrina e ndoqën atë nëpër pyll për 45 minuta duke përdorur një gjurmues përpara se të gjenin telefonin të braktisur në tokë.

Pasi gjetën telefonin, turistet u surprizuan nga ajo që panë tek galeria e fotove dhe videove. Majmuni kishte filmuar veten përgjatë gjithë kohës teksa ecte dhe ngjitej në pemë. Videoja gazmore po bën xhiron e rrjetit dhe është pëlqyer nga qindra njerëz.

Bali ka një popullsi të madhe majmunësh që tërheq mijëra turistë çdo vit. Pylli është një vend i shenjtë natyror në fshatin Padangtegal, Ubud, që përfshin rreth 12.5 hektarë tokë dhe është shtëpia e rreth 1200 majmunëve.

indonezi