Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Mbajti të fshehur fëmijën për tre vite brenda një sirtari, dënohet me 7 vite burg nëna britanike: Nuk doja ta zbulonte burri ekzistencën e saj
n.fPërditësimi i fundit 27 Nëntor 2024, 19:05
Sirtari
ANGLI- Një nënë fshehu vajzën e saj të vogël në një sirtar krevati për tre vjet për të penguar fëmijët e tjerë dhe partnerin e saj të zbulonin ekzistencën e saj. Ajo është dënuar me shtatë vjet e gjysmë burg nga një gjykatë në Chester. Vogëlushja, e cila besohet se nuk ka dalë kurrë nga shtëpia, u gjet aksidentalisht nga partneri i gruas vetëm disa javë para ditëlindjes së saj të tretë. Vajza e vogël kishte pamjen e një foshnje 7-muajshe. Ajo ishte jashtëzakonisht e kequshqyer dhe e dehidratuar, ndërsa kishte probleme serioze mjekësore për të cilat nëna nuk kishte kërkuar kujdes mjekësor, duke përfshirë skuqjen e lëkurës dhe Likostoma.
Vogëlushja u pikas nga partneri i gruas kur një ditë u kthye në shtëpi pasi ajo ishte larguar. Duke dëgjuar të qara, ai hyri në një nga dhomat e gjumit dhe gjeti vajzën e vogël. Më pas ai ka njoftuar familjen e tij, të cilët kanë telefonuar autoritetet. Kur punonjësja sociale vizitoi shtëpinë, ajo e gjeti vogëlushin brenda sirtarit të krevatit. Në deklaratën e saj ajo thotë se e pyeti nënën: "A është ky vendi ku e mbani vajzën tuaj?" “Ajo m’u përgjigj ftohtë ‘po’.
Gruaja u tha punonjësve socialë dhe më pas policisë se ajo lindi fëmijën papritur në vitin 2020 pa e ditur as që ishte shtatzënë. Ajo tha se ishte shumë e frikësuar, se ishte në një marrëdhënie abuzive me babain e vajzës dhe nuk donte t'i tregonte atij se e kishte sjellë në jetë. Ajo po ashtu ka treguar se vajzën e saj nuk e ka mbajtur gjatë gjithë kohës brenda sirtarit në fjalë dhe se është kujdesur që ai të mos mbyllet kurrë. Megjithatë, ai pranoi se nuk e konsideronte vogëlushen një anëtar normal të familjes.
Në gjyq, gruaja shpërtheu në lot teksa iu referua fëmijëve të saj të tjerë, “për të cilët kujdesej mirë” dhe faktit që ata nuk jetojnë më me të. Avokati i saj përmendi gjendjen e saj të rënduar psikologjike për shkak të marrëdhënies së saj abuzive, e cila përkoi me periudhën e pandemisë.
Sipas prokurorit Zion Michael, fëmija ushqehej vetëm me një përzierje qumështi me weetabix, të cilin nëna e tij ia dha përmes një shiringe. Nga lindja deri në moshën tre vjeçare, vogëlushja ka qëndruar vetëm për periudha të gjata pa kujdes dhe kur është lokalizuar nuk i është përgjigjur as emrit. Nëna e linte fëmijën vetëm kur i merrte fëmijët e tjerë në shkollë, gjatë orarit të punës ose kur shkonte në shtëpitë e të afërmve për pushime.
