Këtë të enjte, një ditë pas aksidentit tragjik, do t’i jepet lamtumira e fundit ish-banorit të Big Brother VIP Kosova, Lau...
BOTA
Mendoi se po fliste me ish-presidentin e Ukrainës, sekretari i Jashtëm britanik bie pre e mashtrimit rus, bisedoi 15 minuta me ta
n.fPërditësimi i fundit 26 Qershor 2024, 22:16
Cameron
BRITANI- Sekretari i Jashtëm britanik, David Cameron ra viktimë e një mashtrimi nga disa rusë që imitonin ish-presidentin e Ukrainës, Petro Poroshenko. Mashturuesit publikuan një video të një video-telefonate që supozohet se Sekretari i Jashtëm britanik ka pasur me Poroshenkon.
Zyra e Jashtme Britanike njoftoi në fillim të këtij muaji se Cameron kishte një video-telefonatë me dikë që imitonte Poroshenkon përpara se Sekretari i Jashtëm britanik të kuptonte se ai ishte viktimë e një mashtrimi. Video-telefonata, e cila duket se zgjat rreth 15 minuta dhe tregon Cameron duke folur në celularin e tij me rroba të zakonshme jashtë, është bërë nga mashturesit rusë duke përdorur pseudonimin 'Vovan dhe Lexus'.
Objektivat e këtyre mashtuesve – të mirënjohur në Rusi – gjatë viteve të fundit disa politikanë perëndimorë, duke përfshirë kryeministrin italian Giorgia Meloni, presidentin turk Rexhep Tajip Erdogan dhe, në vitin 2022, sekretarin e atëhershëm britanik të Mbrojtjes Ben Wallace.
Zyra e Jashtme tha sot se telefonata me video dukej se ishte një operacion i inteligjencës ruse i krijuar për të larguar vëmendjen nga lufta e Rusisë në Ukrainë. Ministria e Jashtme Britanike nuk iu përgjigj pyetjes në lidhje me vërtetësinë e videos. Vovan dhe Lexus kanë mohuar më parë akuzat perëndimore se ata kanë lidhje me shërbimet e inteligjencës ruse, megjithëse shpesh u bëjnë viktimave të tyre pyetje të interesit shtetëror rus. Në videon e publikuar sot, autenticitetin e së cilës Reuters nuk mund ta verifikonte në mënyrë të pavarur , Cameron mund të shihet dhe dëgjohet duke folur për çështje të ndjeshme që lidhen me Ukrainën.
Konkretisht, ai dëgjohet duke folur për një darkë private që kishte me kandidatin presidencial amerikan Donald Trump në prill, në të cilën ai i bëri presion Trumpit që të lejonte republikanët të votonin për të vazhduar ndihmën ushtarake të SHBA-së për Ukrainën. Cameron u dëgjua duke thënë se partia republikane është e ndarë në lidhje me Ukrainën dhe se ai i kishte thënë Trumpit se ishte gabim kur mendonte se Putini donte thjesht Krimenë dhe Donbasin, dy nga pesë provincat ukrainase që Moska tani i konsideron pjesë të territorit rus.
Washington Post raportoi në prill se Trump kishte përmendur në një bisedë private opsionin e lejimit të Presidentit rus Vladimir Putin për të mbajtur Krimenë dhe Donbasin në këmbim të paqes, gjë që ekipi i fushatës Trump nuk e konfirmoi.
“Trump është i bindur se një marrëveshje duhet të arrihet dhe kjo nuk është për shkak se Putini dëshiron shumë më tepër”, tha ministri i Jashtëm britanik, duke shtuar se ai besonte se Trump, nëse ai fitonte presidencën, do të mbështeste palën fituese në fushën e betejës kjo është arsyeja pse betejat e kësaj vere janë kaq të rëndësishme.
Cameron dëgjohet gjithashtu duke thënë se Ukraina nuk do të ftohet të bashkohet me aleancën ushtarake të NATO-s në një samit të muajit të ardhshëm, sepse Uashingtoni është kundër kësaj ideje. Ai shtoi gjithashtu se ai nuk beson se një plan i mundshëm francez për të dërguar trupa perëndimore në Ukrainë është qasja e duhur, sepse ato do të bëheshin një objektiv për Putinin.
Gjatë telefonatës, sekretari i jashtëm britanik u dëgjua duke rrëfyer një bisedë me ministrin e jashtëm të Kazakistanit, i cili tha se i tha atij se vendi i Azisë Qendrore kishte frikë se Rusia "do një pjesë" të Kazakistanit verior ku jetojnë shumë rusë.
