Deputetes së pavarur australiane Helen Haynes i janë amputuar të dyja këmbët, pasi u godit nga një automjet jashtë zyrës...
BOTA
Miliarda euro për mbrojtjen, Gjermania paralajmëron rritje të çmimeve për armatimet
PiranjatPërditësimi i fundit 24 Qershor 2026, 09:03
Në kushtet e rritjes së madhe të buxhetit të mbrojtjes, ekspertët financiarë në parlamentin gjerman, Bundestag, dhe Enti Federal i Kontrollit të Shtetit dhe Auditimit paralajmërojnë për çmime të fryra të industrisë së armatimeve.
Në këtë sektor ekziston një prirje e fortë për të rritur çmimet, tha për agjencinë Redaktionsnetzwerk Deutschland (RND) raportuesi i SPD-së për buxhetin e mbrojtjes, Andreas Schwarz. “Kur klienti quhet Bundeswehr, vihen çmime të tjera,” tha ai.
Dyfishimi i çmimit për kontejnerët e karburantit
Politikani i partisë së Gjelbër për çështjet e buxhetit, Sebastian Shefer, kritikoi kostot e projekteve për prokurimet e ushtrisë gjermane Bundeswehr, të cilat në krahasim ndërkombëtar janë pjesërisht tepër të larta. Si shembull, të dy politikanët përmendën kontejnerët e karburantit për trupat e Bundeswehrit, ku nuk është e qartë se nga kanë ardhur rritjet e mëdha të kostove.
Sipas njoftimeve të RND-së brenda katër viteve çmimi për njësi është dyfishuar, nga 142.000 në rreth 291.000 euro. Për këtë arsye ekspertët e buxhetit e kanë bllokuar përkohësisht vazhdimin e porosive për kontejnerë karburanti. Një nga shkaqet për këtë zhvillim është mungesa e konkurrencës, tha Schwarz. Ai kërkoi që në të ardhmen kjo duhet të kontrollohet më rreptësisht përmes ligjit të konkurrencës.
Edhe Enti Federal i Kontrollit të Shtetit dhe Auditimit tha se fondi i posaçëm për ushtrinë mund të ndikojë negativisht në zhvillimin e çmimeve. Nëse një organizatë ka shumë më tepër para në dispozicion brenda një kohe të shkurtër, rritet rreziku i shpenzimeve joefikase, thuhet në një raport të posaçëm të majit 2025. /DW
