Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
BOTA
Mundësia që një tërmet me magnitudë 8 deri në 9 ballë të godasë Japoninë në 30 vitet e ardhshme është e rritur me 82%
n.fPërditësimi i fundit 16 Janar 2025, 09:19
Japoni
JAPONI- Një komitet qeveritar japonez njoftoi sot se vlerëson se probabiliteti i një tërmeti shumë të fortë ose "mega-tërmeti" me magnitudë 8 ose 9 ballë mund të godasë arkipelagun brenda tridhjetë viteve të ardhshme. Ata theksojnë që të dhënat janë deri në 82%. Komiteti i Kërkimit të Tërmeteve vlerësoi se probabiliteti që një tërmet i tillë të godasë në tre dekadat e ardhshme është midis 75 dhe 82%, ndërsa përpara ka qenë midis 74 dhe 81%.
Nëse do të ndodhte një tërmet i tillë, ai mund të godasë pjesën më të madhe të bregut të Paqësorit të Japonisë, të kërcënojë 300,000 japonezë dhe të shkaktojë miliarda dollarë dëme. Kanali nënujor Nankai, i cili shkon paralelisht me bregun lindor japonez për 800 kilometra, nga qyteti i Shizuoka deri në ishullin Kyushu po tërheq vëmendje të veçantë pasi mendohet se prodhon termeteme magnitudë 8 ballë dhe 9 tërmete çdo 100 si 200 vjet.
Këta "megatërmete", të cilët priren të jenë binjakë çdo herë, me siguri do të shkaktojnë cunami të frikshme. Në 1707, të gjithë sektorët e Nankai u shpërthyen në të njëjtën kohë, duke shkaktuar tërmetin e dytë më të fortë të regjistruar ndonjëherë në historinë japoneze.
Ky tërmet, i cili shkaktoi shpërthimin e fundit të vullkanit të malit Fixhi, u pasua, një shekull e gjysmë më vonë, nga dy megatërmete, në vitin 1854, më pas dy ngjarje të ngjashme, në vitin 1944 dhe 1946.
Sipas vlerësimeve të qeverisë të publikuara në vitin 2012, ishujt e vegjël në brigjet japoneze rrezikohen të zhyten nga një cunami prej më shumë se 30 metrash. Ndërsa zonat me popullsi të dendur në ishujt Honshu dhe Shikoku mund të goditen nga dallgë të mëdha brenda pak minutash.
Në gusht të vitit 2024, Agjencia Meteorologjike Japoneze (JMA) kishte lëshuar një buletin paralajmërues "mega-tërmete" për herë të parë që kur u krijua një sistem i ri paralajmërimi pas katastrofës së trefishtë të vitit 2011, kur një tërmet shumë i fortë shkaktoi një cunami dhe aksidenti bërthamor në Fukushima.
