Situata e zjarreve në vend vijon të jetë problematike, me 27 vatra të raportuara gjatë 24 orëve të fundit.
Tre vatra mbete...
BOTA
"Ndihmojnë ushtrinë ruse", Franca dhe Hollanda kërkojnë sanksione nga BE-ja ndaj institucioneve financiare që mbështesin Moskën
M.B.Përditësimi i fundit 15 Maj 2024, 08:06
Foto ilustruese
BRUKSEL- Franca dhe Holanda po kërkojnë sanksione nga Bashkimit Evropian ndaj çdo institucioni financiar në botë që ndihmon ushtrinë ruse të paguajë për mallrat ose teknologjinë për prodhimin e armëve. BE-ja është përpjekur të parandalojë anashkalimin e 13 paketave të sanksioneve të vendosura tashmë ndaj Rusisë që kur nisi pushtimin në Ukrainë në shkurt 2022. Sanksionet ekzistuese përfshijnë ndalimin e shitjes së Rusisë për mallra dhe teknologji të caktuara me përdorim të dyfishtë që kanë aplikim civil dhe ushtarak.
Ambasadorët e qeverive të BE-së do të diskutojnë propozimin të mërkurën si pjesë e paketës së 14-të të sanksioneve kundër Rusisë, tani në përgatitje nga BE, raporton Reuters. Sipas propozimit, kushdo në BE mund të ndalohet të bëjë biznes me çdo institucion financiar në botë, i identifikuar nga BE-ja se ndihmon drejtpërdrejt ose indirekt ushtrinë e Rusisë të marrë mallra dhe teknologji të ndaluara me përdorim të dyfishtë.
Një ndalim i tillë mund të jetë një nxitje e fuqishme për institucionet financiare në Lindjen e Mesme, Turqinë apo edhe Kinën që të mos përfshihen në marrëveshje për të furnizuar Rusinë me mallra me përdorim të dyfishtë të sanksionuar nga BE, pasi ato mund të humbasin aksesin në biznesin evropian dhe tregjet financiare të BE-së. Zyrtarët e BE-së thanë se Komisioni Evropian ka të ngjarë të koordinojë çdo sanksion të tillë ndaj institucioneve financiare me SHBA-në, duke e bërë mjetin edhe më të fuqishëm.
