Një 53-vjeçar është arrestuar në flagrancë në fshatin Bunec, pasi dyshohet se ka qëlluar me armë zjarri në...
BOTA
Nga "braktisja" e Ukrainës te “shpërbërja” e NATO-s, çfarë sinjalizon ardhja e mundshme e dyshes Trump-Vance në Shtëpinë e Bardhë
E.DPërditësimi i fundit 16 Korrik 2024, 17:52
SHBA- Zgjedhja e JD Vance, një kritik i ndihmës së SHBA-së për Ukrainën dhe i taksapaguesve amerikanë që financojnë sigurinë evropiane, si kandidati i Donald Trump për zv/president sinjalizon një ndryshim shumë domethënës në politikën e jashtme të SHBA nëse republikanët fitojnë zgjedhjet. Senatori 39-vjeçar republikan, një ish-marins, mund të jetë zëvendëspresidenti i ardhshëm i Shteteve të Bashkuara në janarin e ardhshëm. Kjo do të thotë se pikëpamjet e tij për çështjet e jashtme, të shprehura në intervista, artikuj dhe fjalime të shumta, po studiohen me intensitet.
Ato zbulojnë në përputhje me shefin e tij një shtytje të fuqishme për ta vënë Amerikën në vend të parë edhe në kurriz të aleancave të vjetra, të tilla si lidhja transatlantike e NATO-s si dhe lufta e Perëndimit për të kundërshtuar pushtimin në shkallë të plotë të Ukrainës nga Rusia. Në vend të kësaj, një fokus prioritar është te kërcënimi i paraqitur nga Kina dhe kundër Iranit. Një ish-zyrtar i lartë britanik i mbrojtjes parashikoi se një Shtëpi e Bardhë e drejtuar nga dyshja Trump-Vance do të çonte në përfundimin e menjëhershëm të të gjithë ndihmës financiare dhe ushtarake për Ukrainën.
Një burim i dytë i mbrojtjes ishte më pak i sigurt, duke pyetur nëse dyshja do ta lejonte vërtet braktisjen e Ukrainës. Megjithatë, Vance i cili ka kundërshtuar paketat e ndihmës prej shumë miliardë dollarësh për Kievin pranoi në një intervistë të vitit 2022 me Steve Bannon, një këshilltar i Trump, se nuk më intereson vërtet se çfarë ndodh në Ukrainën. Ai ka shkruar gjithashtu se SHBA-së dhe Evropës i mungojnë kapacitetet e prodhimit industrial për të qenë në gjendje të prodhojnë vëllimin e armëve të nevojshme për Ukrainën për të fituar luftën. Në vend të kësaj, kandidati i ri i Trump mbron një marrëveshje paqeje midis Rusisë dhe Ukrainës. Në komentet që do të alarmojnë Kievin dhe aleatët si Londra, ai e ka hedhur poshtë si fantastike idenë se Ukraina do të rimarrë të gjithë territorin e pushtuar nga forcat ruse që nga pushtimi i parë i Krimesë në 2014.
“Duke u përkushtuar ndaj një strategjie mbrojtëse, Ukraina mund të ruajë fuqinë e saj të çmuar ushtarake, të ndalojë gjakderdhjen dhe të sigurojë kohë për fillimin e negociatave”, shkroi Vance në një artikull për New York Times në prill.
Ky diskurs nënvizon pse perspektiva e një presidence të dytë të Trump, me Vance si zëvendëspresident, përkthehet në një ankth për Ukrainën pas më shumë se dy vjet e gjysmë lufte në shkallë të gjerë.
“Unë shpresoj se do të ketë njerëz të tjerë në ekipin e Trump si Pompeo të cilët do të balancojnë qasjen e Vance,” tha Liudmyla Dolhonovska, një eksperte në komunikimet strategjike në Kiev.
Nuk është vetëm Ukraina ajo që duhet të shqetësohet për ndikimin e Vance në formën e ardhshme të politikës së jashtme të SHBA-së. Mbretëria e Bashkuar dhe aleatët evropianë të NATO-s duhet të planifikojnë me për një rritje masive të aftësisë së tyre për të mbrojtur veten dhe për të penguar kërcënimet nëse një Shtëpi e Bardhë e dytë Trump bëhet realitet, siç parashikohet, shumë më izolacioniste dhe e fokusuar në kërcënimet nga Kina dhe jo nga kërcënimi i Rusisë për Evropën. Një ish-zyrtar i lartë i mbrojtjes në Mbretërinë e Bashkuar, duke folur në kushte anonimiteti për Sky News, parashikoi se një administratë e dytë Trump do të fillonte procesin e shpërbërjes së NATO-s.
Duke shkruar në Financial Times në shkurt, Vance paralajmëroi se SHBA i ka ofruar Evropës një mbulesë sigurie për një kohë shumë të gjatë. Ai ishte shumë kritik se si Britania e Madhe dhe shtetet e tjera evropiane shkurtuan buxhetet e mbrojtjes dhe ulën madhësinë e forcave të tyre të armatosura përkatëse dhe aftësinë për të luftuar në prag të fundit të Luftës së Ftohtë, në vend të kësaj duke u mbështetur në mbrojtjen e ushtrisë amerikane.
“Ndërsa buxheti amerikan i mbrojtjes afrohet 1 trilion dollarë në vit, ne duhet t’i shohim paratë që Evropa nuk ka shpenzuar për mbrojtjen për atë që është në të vërtetë: një taksë e nënkuptuar për popullin amerikan për të lejuar sigurinë e Evropës,” shkroi Vance.
Ai shtoi: “Pyetja që çdo komb evropian duhet t’i bëjë vetes është kjo: a jeni të përgatitur të mbroni veten? Dhe pyetja që SHBA duhet të bëjë është: nëse aleatët tanë evropianë nuk mund të mbrojnë as veten e tyre, a janë ata aleatët apo klientët tanë?
