Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
BOTA
Norvegjia, Spanja dhe Irlanda njohin shtetin e Palestinës, Izraeli tërheq ambasadorët e tij në këto vende
n.fPërditësimi i fundit 22 Maj 2024, 10:31
Foto ilustruese
PALESTINË- Norvegjia do të njohë ekzistencën e shtetit palestinez nga 28 maji. Lajmin e njoftoi sot kryeministri norvegjez, Jonas Gar Stere. Pak pas orës 10:00 dhe kryeministri spanjoll, Pedro Sanchez njoftoi se vendi i tij do të njohë Palestinwn nga e marta e 28 majit.
Të njëjtën gjë tha edhe kryeministri i Irlandës, Simon Harris, i cili shtoi se pret që edhe vendet e tjera të ndjekin Irlandën, Spanjën dhe Norvegjinë dhe të njëjtin hap të ndërmarrin në javët në vijim.
“Qeveria ka vendosur të njohë shtetin e Palestinës”, tha kryeministri norvegjez Stere në një konferencë për shtyp në Oslo, duke sqaruar se vendimi do të hyjë në fuqi më 28 maj. Kryeministri norvegjez u drejtoi me këtë rast një "thirrje të fortë" vendeve të tjera që të bëjnë të njëjtën gjë.
"Ne duhet të mbajmë gjallë alternativën e vetme që ofron një zgjidhje politike për izraelitët dhe palestinezët: dy shtete që jetojnë krah për krah në paqe dhe siguri, vuri në dukje kryeministri norvegjez.
Stere dënoi përsëri Hamasin dhe siguroi se njohja e Palestinës është një mjet për të mbështetur forcat e moderuara që po humbasin terren në këtë konflikt të stërzgjatur dhe brutal. Ai gjithashtu dërgon një mesazh të fortë për vendet e tjera që të ndjekin shembullin e Norvegjisë dhe një sërë vendesh të tjera evropiane dhe të njohin shtetin e Palestinës," tha ai gjithashtu.
Kjo përfundimisht mund të bëjë të mundur rifillimin e procesit drejt një zgjidhjeje me dy shtete dhe t'i japë asaj një shtysë të re, shtoi ai, duke vënë në dukje se lufta e vazhdueshme në Gaza e kishte bërë të qartë se arritja e paqes dhe stabilitetit duhet të mbështetet në zgjidhjen e çështjen palestineze.
Ministria e Jashtme izraelite postoi një video drejtuar Dublinit për të paralajmëruar se njohja e një shteti palestinez do ta kthente atë në një "push në duart e Iranit" dhe lëvizjes islamike palestineze Hamas. Ministria e Jashtme e Izraelit njoftoi sot tërheqjen "për konsultime" të ambasadorëve të vendit në Irlandë dhe Norvegji, pas vendimit të Oslos për të njohur një shtet palestinez nga 28 maji dhe njoftimit të afërt përkatës të Dublinit.
