Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
Nuk vonon hakmarrja e Hezbollahut, fillon sulmet në veriun e Izraelit
E.DPërditësimi i fundit 3 Korrik 2024, 20:00
IZRAEL- Hezbollahu libanez filloi një sulm të ri masiv në pjesët veriore të Izraelit vetëm pak orë pasi ushtria izraelite njoftoi se kishte vrarë një nga anëtarët e lartë të lëvizjes libaneze në sulm. Siç raportohet sirenat kanë rënë në qytetin Kiryat Shmona, i cili ka qenë edhe më herët objektiv i sulmeve të Hezbollahut, si dhe në qytete të tjera në veri të vendit. Besohet se ky sulm, me intensitet të panjohur aktualisht, është hakmarrja e Hezbollahut për vrasjen e komandantit.
“Disa raketa u hodhën nga Libani në Kiryat Shmon dhe zona të tjera, si dhe në pjesën veriore të Lartësisë Golan. Nuk pati raportime për të lënduar nga sulmet”, njoftoi IDF.
Vdekja e komandantit u konfirmua nga Hezbollahu dhe deklaroi se ishte Muhammad Nimah Nasser ai që u vra në një sulm izraelit me dron në qytetin e Tiros. Ai komandonte degën rajonale të Hezbollahut, më saktë njësinë Aziz, e cila ndodhet në pjesën jugore të Libanit. Më herët, ministri izraelit i Mbrojtjes, Yoav Gallant komentoi tensionet me Libanin, duke thënë se ushtarët që luftojnë në Gaza mund të vazhdojnë të luftojnë në Liban.
“Çdo ditë ne godasim fort dhe fuqishëm Hezbollahun dhe gjithashtu do të arrijmë një gjendje gatishmërie të plotë. Ne preferojmë një marrëveshje, por nëse realiteti na detyron, ne do të dimë të luftojmë”, tha Gallant.
