Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
BOTA
"Pajtimi midis Rusisë dhe Ukrainës është çështje kohe"/ Putin: Shpresoj se nuk do të ketë nevojë për përdorimin e armëve bërthamore
m.lPërditësimi i fundit 4 Maj 2025, 11:39
RUSI- Presidenti rus Vladimir Putin shprehu bindjen e tij se pajtimi midis Rusisë dhe Ukrainës është çështje kohe, në një intervistë për kanalin "Rossiya 1".
Siç e deklaroi ai në mënyrë karakteristike: Më duket se është e pashmangshme, pavarësisht tragjedisë që po përjetojmë sot... Është çështje kohe.
Deklaratat e tij janë përfshirë në dokumentarin e ri nga stacioni televiziv shtetëror me titull “Rusia. Kremlini. Putin. 25 vjet” dhe janë riprodhuar nga kanali Vesti në Telegram. Presidenti rus theksoi gjithashtu se vendi i tij ka forcat dhe burimet e nevojshme për të përfunduar me sukses pushtimin e Ukrainës, i cili filloi në vitin 2022.
"Ne kemi forcë dhe mjete të mjaftueshme për ta çuar atë që filluam në vitin 2022 në një përfundim logjik, me rezultatin që i nevojitet Rusisë", tha Putin, duke përsëritur vendosmërinë e Kremlinit.
Duke iu referuar mundësisë së përdorimit të armëve bërthamore , presidenti rus sqaroi se nuk kishte nevojë për t'i përdorur ato gjatë operacionit dhe shprehu shpresën se një nevojë e tillë nuk do të lindte kurrë.
"Nuk kishte asnjë arsye për të përdorur armët që sapo përmendët (bërthamore). Dhe shpresoj se nuk do të ketë", theksoi ai në të njëjtin dokumentar.
Putini më në fund vuri në dukje se Moska po ruan qetësinë dhe përmbajtjen strategjike gjatë operacionit ushtarak, pasi, siç tha ai, "ata po përpiqen të na provokojnë të bëjmë gabime".
????????⚔️???????? Putin: Russia Doesn’t Need to Use Nuclear Weapons in Ukraine
Russian President Vladimir Putin stated that there is no need for Russia to resort to nuclear weapons in the conflict with Ukraine.
