Shqipëria ka arritur rekord për punësimin e shtetasve të huaj që arrijnë mbi 22 mijë shtetas deri në qershor 2026 nga 18...
BOTA
Pamje të tmerrshme në Britani/ Polici godet brutalisht një burrë gjatë arrestimit në aeroport, i vendos këmbën në kokë ( VIDEO)
E.DPërditësimi i fundit 25 Korrik 2024, 07:40
BRITANI E MADHE- Videoja e një burri që goditet brutalisht nga një oficer policie, i cili i ka vënë dhe këmbën në kokë gjatë arrestimit në aeroportin e Mançesterit ka shkaktuar bujë në Britani. Siç shihet edhe në video, polici e ka goditur në kokë burrin teksa ky i fundit ka mbetur i palëvizur në tokë. Në të njëjtën video, i njëjti polic shihet duke goditur një person të dytë.
Pas publikimit të videos, zëvendës shefi i policisë së Mançesterit njoftoi se oficeri në video ishte larguar nga detyrat operative ndërsa polici nuk ishte pezulluar.
“Videoja është vërtet tronditëse. Përdorimi i një dhune të tillë gjatë një arrestimi është i pazakontë dhe shkakton shqetësim”, shtoi zëvendës shefi i policisë.
Sipas informacioneve ngjarja ka ndodhur pasditen e së martës kur oficerët e policisë u njoftuan për një sulm në Terminalin 2 të Aeroportit të Mançesterit.
Burime policore thanë për mediat britanike se gjatë tentativës për arrestimin e burrit janë sulmuar tre oficerë, ku njëri prej tyre ka pësuar një thyerje të hundës. Katër persona janë arrestuar për ngjarjen dy për sulm ndaj punonjësit të policisë dhe pengim të policisë dhe dy për pjesëmarrje në një përleshje.
