Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Panik në fluturim/ Përfshihet nga zjarri bagazhi i dorës, avioni bën ulje emergjente
PiranjatPërditësimi i fundit 20 Tetor 2025, 09:26
Një avion i linjës Air China u detyrua të bënte një ulje emergjente pas një zjarri që shpërtheu për shkak të një batterie litiumi në një çantë dore. Incidenti ndodhi gjatë një fluturimi nga aeroporti i Hangzhou në drejtim të Koresë së Jugut, dhe shkaktoi panik tek pasagjerët.
Sipas dëshmive të pasagjerëve dhe videos që qarkulloi në rrjetet sociale, dy asistente fluturimi mund të shihen duke vrapuar me fikës zjarri, ndërsa kolegët e tyre përpiqeshin të qetësonin pasagjerët dhe t’i udhëzonin ata të qëndronin në vendet e tyre. Një pasagjer, i cili fliste për mediat lokale, tha se kishte dëgjuar një shpërthim të fortë disa sekonda para se të shpërthente zjarri.
Fire breaks out in the overhead luggage bin on board Air China flight CA139 while flying between Hangzhou and Seoul.
It is understood that the cause of the fire was a lithium battery in a passenger's luggage spontaneously combusting.
— Breaking Aviation News & Videos (@aviationbrk) October 18, 2025
Në një postim në Weibo, Air China konfirmoi se "një bateri litiumi në çantën e dorës së një pasagjeri, e ruajtur në ndarjen e sipërme të avionit, papritmas u përfshi nga flakët". Pavarësisht panikut të shkaktuar dhe uljes emergjente të avionit, linja ajrore shtoi se "asnjë pasagjer nuk u lëndua" gjatë incidentit.
