Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Paradë apo kërcënim? Kina zbulon raketat balistike dhe “ujqërit robotë”
PiranjatPërditësimi i fundit 3 Shtator 2025, 08:16
Ditën e djeshme në Pekin u mbajt një paradë ku Kina tregoi “muskujt” dhe përveç atyre që priteshin dhe gamës së gjerë të armatimeve me të cilat ky vend u mburr, parada e këtij viti kishte edhe risi.
Gjatë paradës zyrtarët ushtarakë thanë se shumica e armatimeve dhe pajisjeve në paradë po i shfaqeshin publikut për herë të parë.
Ndërkohë, agjencia e lajmeve Xinhua vuri në dukje se gjatë procesionit, u shfaq raketa balistike ndërkontinentale e Kinës DF-5C.
Theksojmë se kjo është gjenerata e fundit e raketës kineze Dongfeng me kapacitet bërthamor, me këtë model që raportohet se ka një rreze globale goditjeje.
Po ashtu një kontingjent robotësh me katër këmbë kanë tërhequr vëmendjen, një aset relativisht i ri në arsenalin e Kinës.
Më saktë bëhet fjalë për “ujqërit robotë” të cilët janë të aftë për zbulim në vijën e parë, duke shpërndarë furnizime dhe madje duke nisur sulme precize kundër objektivave, sipas mediave shtetërore kineze.
Para tyre “qentë robotë”, u zbuluan në një stërvitje të përbashkët ushtarake me Kamboxhian vitin e kaluar.
Megjithatë ata u riemërtuan “ujqër” si pjesë e një “transformimi strategjik”, raportoi media shtetërore kineze CCTV vitin e kaluar.
Mediet kineze thonë se “ujqërit” kanë përmirësuar efektivitetin luftarak dhe aftësinë e tyre për të goditur objektivat, si dhe janë të pajisur me kamera për të goditur objektivat më saktë.
