Protesta e studentëve në Universitetin “Aleksandër Moisiu” në Durrës është shfaqur edhe në ambientet e kam...
BOTA
Paralajmërohen tubime pro-evropiane dhe nacionaliste sot në Varshavë/ Dueli 'kokë më kokë' Traskowski-Nawortski mund të përmbysë ose ngrijë reformat e Tusk
m.lPërditësimi i fundit 25 Maj 2025, 09:43
POLONI- Tubime të mëdha politike janë planifikuar për sot në Varshavë, një javë para raundit të dytë të zgjedhjeve presidenciale polake. Mbështetësit e kandidatit pro-evropian Rafal Traskowski dhe kundërshtarit të tij konservator, Karol Nawrotski, do të mbajnë demonstrata të ndara nga ora 12:00 në kryeqytetin polak.
Traskowski bëri thirrje për një "Marshim të Patriotëve" që do të mbahet sot, ndërsa mbështetësit e Navrotskit po planifikojnë një "Marshim për Poloninë". Të dy kandidatët janë kokë më kokë, pasi sondazhet e fundit u japin atyre nga 47% secili.
Zgjedhjet presidenciale mund të kenë një ndikim vendimtar në të ardhmen politike të Polonisë, pasi presidenca ka fuqi të mjaftueshme për të bllokuar programin e reformave të kryeministrit Donald Tusk. Kryebashkiaku i Varshavës, Traskowski, i Koalicionit të Qytetarëve të Tuskut, doli i pari në raundin e parë të së dielës së kaluar me 31.36% të votave.
Megjithatë, ai përballet me një sfidë serioze nga Nawrotski, një historian i mbështetur nga partia nacionaliste Ligj dhe Drejtësi (PiS) dhe i cili fitoi 29.54% në raundin e parë të votimit. Presidenti në largim Andrzej Duda, i cili i përket PiS, ka bllokuar shumë nga projektligjet e qeverisë së Donald Tusk duke përdorur veton e tij presidenciale.
