Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
BOTA
Pas përgjigjes së Hamasit, Trump urdhëron Izraelin: Ndalo menjëherë sulmet në Gaza
PiranjatPërditësimi i fundit 3 Tetor 2025, 23:48
Presidenti Donald Trump i tha të premten (3 tetor) Izraelit të "ndalojë menjëherë bombardimin e Gazës" pasi Hamasi tha se do të binte dakord me disa nga kushtet në planin e Trump për t'i dhënë fund luftës në Gaza, përfshirë lirimin e pengjeve.
Kreu i Shtëpisë së Bardhë shmangu trajtimin e çështjeve më shqetësuese si çarmatimi dhe tha se do të kërkonte negociata të mëtejshme.
"Bazuar në Deklaratën e sapo lëshuar nga Hamasi, besoj se ata janë gati për një PAQE të qëndrueshme. Izraeli duhet të ndalojë menjëherë bombardimin e Gazës, në mënyrë që të mund t'i nxjerrim pengjet shpejt dhe në mënyrë të sigurt! Tani për tani, është shumë e rrezikshme ta bëjmë këtë.
Ne jemi tashmë në diskutime mbi detajet që duhen përcaktuar. Kjo nuk ka të bëjë vetëm me Gazën, ka të bëjë me PAQEN e kërkuar prej kohësh në Lindjen e Mesme”, shkruan Trump.
Në një kopje të një deklarate të parë nga Reuters, Hamasi lëshoi përgjigjen e tij ndaj planit 20-pikësh të Trump, pasi presidenti i dha grupit militant palestinez afat deri të dielën për ta pranuar ose refuzuar propozimin.
"Bazuar në Deklaratën e sapo lëshuar nga Hamasi, besoj se ata janë gati për një PAQE të qëndrueshme. Izraeli duhet të ndalojë menjëherë bombardimin e Gazës, në mënyrë që të mund t'i nxjerrim pengjet në mënyrë të sigurt dhe të shpejtë!", tha Trump në platformën e tij Truth Social.
