Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
BOTA
Presidenti turk i kujton Netanjahut kryqëzatat: Do luftojnë si Salaudini që mori Jerusalemin
PiranjatPërditësimi i fundit 3 Tetor 2025, 17:41
Presidenti turk Rexhep Taip Erdogan i ka kujtuar kryeministrit izraelit Benjamin Netanjahu rënien e Jeruzalemit përmes një postimi në rrjetet sociale, duke hequr një paralele me situatën që paraqitet sot pas konfliktit mes Izraelit dhe palestinezëve.
Erdogan përkujtoi 838-vjetorin e pushtimit të Jerusalemit me një postim ku i referohet konkretisht Sulltan Salahudinit (Salah ad-Din al-Ayyubi).
“Në 838-vjetorin e Rënies së Jerusalemit, kujtoj me respekt pushtuesin e dytë të këtij qyteti të shenjtë, Salahudin Ayyubi, dhe ushtarët e tij heroikë. Ne do të vazhdojmë të luftojmë me vendosmëri dhe këmbëngulje për Jerusalemin, i cili na u besua nga Profeti ynë dhe profetët që erdhën para tij”, shkruan Erdogan.
Jerusalemi ra më 2 tetor 1187 në duart e Sulltanit të Egjiptit dhe Sirisë, Saladinit, pas një rrethimi 12-ditor. Beteja vendimtare e Hatinit u zhvillua në vitin 1187 midis Kryqëzatave të Guy të Lusignanit dhe Ayyubidëve myslimanë të Saladinit.
Kjo rezultoi në një disfatë të madhe për Kryqëzatat, e cila çoi në shpërbërjen e Mbretërisë së Jerusalemit dhe më vonë në vitin 1189, në Kryqëzatën e Tretë.
