Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
BOTA
Përmbytjet në Zvicër, zhduken 4 persona, shkon në 6 numri i të vdekurve
n.fPërditësimi i fundit 2 Korrik 2024, 08:03
Permbytje
ZVICËR- Katër persona janë ende të zhdukur në Zvicrën juglindore pasi moti i keq goditi rajonin gjatë fundjavës, duke e rritur numrin në katër të vdekur dhe gjashtë të zhdukur në vend. Sipas policisë së kantonit Ticino katër personat e rinj të zhdukur janë dy gra dhe dy burra. Hetimet po vazhdojnë, sqarohet në një deklaratë të lëshuar të hënën në mbrëmje.
Tre persona humbën jetën në një rrëshqitje dheu që ndodhi gjatë fundjavës në këtë kanton të Zvicrës juglindore. Fati i një burri ishte tashmë i panjohur. Në kantonin fqinj të Valais, në jugperëndim, një person vdiq në qytetin Saas-Grund, një shtetas gjerman 67-vjeçar i cili u bllokua nga ujërat dhe u mbyt në bodrumin e një hoteli në qytet.
Një tjetër burrë është ende i zhdukur në atë qark, sipas autoriteteve. Ndërsa lumi Maggia "fshiu" një urë pranë Cevios, pjesa e sipërme e luginës nuk është më e aksesueshme përveçse me avion dhe ushtria është mobilizuar për të rivendosur shpejt aksesin në rrugë.
Të hënën, në një pjesë të luginës është ndërprerë furnizimi me energji elektrike, si dhe furnizimi me ujë të pijshëm. Në kantonin Valais, reshjet e shiut dhe vërshimi i Rhone shkaktuan dëme materiale shumë të konsiderueshme.
