Franca dhe Spanja po përballen me një nga situatat më të rënda të viteve të fundit, ndërsa zjarre gjigante pyjore vazh...
BOTA
Përpjekje për mbylljen e luftës: Takimi SHBA-Iran mund të ndodhë këtë javë
PiranjatPërditësimi i fundit 23 Mars 2026, 19:21
Përfaqësues të Shteteve të Bashkuara dhe Iranit mund të zhvillojnë një takim brenda pak ditësh, sipas një raportimi të Axios që citon burime izraelite.
Sipas gazetarit Barak Ravid, vendi i mundshëm i takimit është Islamabad, ndërsa vendet ndërmjetëse po punojnë për ta organizuar atë.
Raportimi thekson se nga ana amerikane pritet të marrin pjesë të dërguarit specialë Steve Witkoff dhe Jared Kushner, si dhe mundësisht zëvendës presidenti JD Vance. Ndërsa nga pala iraniane pritet të përfaqësohen nga kryetari i parlamentit, Mohammad Bagher Ghalibaf, dhe zyrtarë të tjerë.
Burimi i cituar nga Axios ka bërë të ditur se takimi mund të zhvillohet në fund të kësaj jave.
Më herët gjatë ditës, presidenti Donald Trump deklaroi se Irani është i gatshëm për një marrëveshje dhe se ajo mund të arrihet brenda pesë ditësh ose edhe më shpejt.
Ai shtoi se kontaktet mes palëve kanë qenë “shumë produktive dhe konstruktive”, duke bërë që të shtyjë edhe sulmet ndaj infrastrukturës energjetike të Iranit.
Megjithatë, mediat iraniane i kanë mohuar këto pretendime, duke deklaruar se nuk ka pasur bisedime me Washingtonin dhe duke sugjeruar se deklaratat e Trump synojnë të fitojnë kohë ndërsa përpjekjet për uljen e tensioneve vazhdojnë në rajon.
