Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
BOTA
Përplasja shkatërrimtare, si shpëtuan tre tifozët e PAOK-ut që po udhëtonin me furgonin fatal në Rumani
PiranjatPërditësimi i fundit 28 Janar 2026, 18:00
Informacione të reja dalin në dritë lidhur me aksidentin rrugor që ndodhi në Rumani me tifozë të PAOK-ut të martën (27/1), i cili rezultoi me vdekjen e shtatë personave dhe plagosjen e tre të tjerëve.
Sipas burimeve nga Policia rumune, përveç drejtuesit të mjetit, në sediljen e përparme ndodheshin edhe dy persona të tjerë. Në rreshtin pasues kishte katër pasagjerë, numër që tejkalonte kapacitetin e lejuar, ndërsa në rreshtin e fundit ndodheshin edhe tre pasagjerë të tjerë.
Vlen të theksohet se tre të mbijetuarit e aksidentit janë ata që ishin ulur pranë dritares në anën e djathtë të mjetit, pra nga sedilja e pasagjerit përpara e deri mbrapa.
Kujtohet se të enjten në mëngjes (29/1), një avion i posaçëm i Ministrisë së Shëndetësisë pritet të niset nga baza ajrore e Elefsinës me destinacion Rumaninë, për të kryer transportimin ajror të tre të plagosurve.
Bëhet fjalë për tre shtetas grekë, dy prej tyre 20 vjeç dhe një 28 vjeç, të cilët u dërguan të martën në një spital të Rumanisë pas aksidentit tragjik që u mori jetën shtatë tifozëve të rinj të PAOK-ut. Tre të plagosurit do të transportohen në spitalin “Papageorgiou” në Selanik.
