Pas ditës së pestë të protestës studentore, kryeministri Edi Rama njoftoi se efektivët e angazhuar në protestë do të...
BOTA
Protestat masive tronditin Serbinë në prag të zgjedhjeve parlamentare, lëvizja studentore synon të rrëzojë partinë e Vuçiçit
PiranjatPërditësimi i fundit 23 Tetor 2026, 23:12
Serbia është përfshirë sërish nga protestat masive, në prag të zgjedhjeve të parakohshme parlamentar të së dielës.
Qindra mijëra studentë dhe mbështetës të kësaj lëvizjeje janë ngritur në protesta në Beograd, me synimin për të rrëzuar nga pushteti partinë e liderit veteran, Aleksandër Vuçiç.
“Lista studentore”, një lëvizje pa lider, mblodhi në shesh mbi 150 mijë protestues, të cilët me thirrjen “Studentët po fitojnë”, kërkojnë t’i japin fund sundimit mbi 14-vjeçar të Partisë Përparimtare Serbe, një parti populiste e krahut të djathtë e udhëhequr nga Vuçiç. Këtë fundjavë, ata do të përpiqen të marrin pushtetin.
Votimi i së dielës vjen pas gati dy vitesh protesta të udhëhequra nga studentët, të cilat u nxitën nga shembja e një strehe në stacionin hekurudhor të sapo-rinovuar në Novi Sad në vitin 2024, ngjarje që shkaktoi vdekjen e 16 personave. Kjo tragjedi, për të cilën është fajësuar korrupsioni qeveritar, nxiti disa nga protestat më të mëdha në Serbi që nga rënia e Sllobodan Millosheviçit në vitin 2000.
Lëvizja kundër korrupsionit, e udhëhequr nga studentët universitarë, u zgjerua me shpejtësi: nga kërkesat për një hetim transparent mbi tragjedinë, në thirrje për zgjedhje të parakohshme.
Vuçiç ka dominuar politikën serbe për më shumë se një dekadë, duke shërbyer si kryeministër, e më pas si president. Mes presionit në rritje, Vuçiç shpalli zgjedhjet e parakohshme muajin e kaluar, duke krijuar sfidën e tij më të madhe zgjedhore që kur partia e tij erdhi në pushtet në vitin 2012.
